SpaceX პლანეტათაშორისი რაკეტის Starship შექმნაზე მუშაობს, რომელმაც ადამიანების მარსზე გადაყვანა უნდა უზრუნველყოს. დღეს, 5 აგვისტოს რაკეტის პროტოტიპი წარმატებით აფრინდა 150 მეტრზე და დედამიწაზეც წარმატებით დაეშვა. ხომალდს SN5 მისი ცხვირი აკლდა, თუმცა, როგორც უკვე ვთქვით, ტესტირებისას რაკეტის პროტოტიპი იყო გამოყენებული.
ტესტირება NASASpaceflight-ის YouTube-ის არხის მეშვეობით, პირდაპირ ეთერში გადაიცემოდა. წარმატებული გამოცდის შემდეგ, SpaceX-ის შემქმნელ ილონ მასკს ტვიტერზე კითხეს, თუ რა იქნებოდა შემდეგი ნაბიჯი. მისი თქმით, სანამ Starship სიმაღლეზე იფრენს, რამდენიმე მსგავსი, პატარა „ნახტომი“ იქნება საჭირო.
We’ll do several short hops to smooth out launch process, then go high altitude with body flaps
— Elon Musk (@elonmusk) August 5, 2020
SpaceX-მა Starship SN5-ის გამოცდის ვიდეო გამოაქვეყნა, რომელიც ტესტირებას სხვადასხვა კუთხიდან გვანახებს. ვიდეოს შეგიძლიათ ქვემოთ გაეცნოთ. დღევანდელი წარმატების მიუხედავად კი, SpaceX-ის გუნდს კიდევ გრძელი გზა აქვს გასავლელი, სანამ მთვარეზე, ან მარსზე ასტრონავტების გადაყვანის უზრუნველყოფას შეძლებს.
