12
ივნ
2018

ქართული სტარტაპები და კერძო კომპანიები გლობალურ ღონისძიებაზე – Startup GRIND ლონდონში

12 ივნ 2018

დღეს, 12 ივნისს, გლობალური ღონისძიება “Startup Grind Tbilisi-ს“ მიწვევით, ქართული სტარტაპები, კერძო კომპანიები და საჯარო სექტორის წარმომადგენლები, 5 დღით, ლონდონში გაემგზავრნენ. ვიზიტი საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ პარტნიორობით შედგა და მის მიზნად საერთაშორისო ინვესტიციების მოზიდვა, ცოდნის გაღრმავება და საჭირო კონტაქტების დამყარება განისაზღვრა.

BOG xelfasi
Bog Xelfasi mob

“Startup Grind Europe-ის“ 2 დღიანი ძირითადი პროგრამის გარდა, რომელიც 13 და 14 ივნისს გაიმართება, დაგეგმილია პანელური დისკუსია Google Campus-ში. “Startup Nation Day-ზე“ საქართველოსთან ერთად ესტონეთი და ლონდონი წარდგებიან. ინოვაციებისა და ტექნოლოგიების სააგენტოს მხარდაჭერით კი, იმავე დღეებში, 13 და 14 ივნისს, 8 ქართველ სატარტაპს საშუალება მიეცემა, “Startup Grind London-ის“ ექსპოზიციაზე გამოიფინონ.

ქართული კომპანიების ადგილობრივებთან შეხვედრა მოეწყობა “Westminster Hall-ში“. თემთა პალატაში ქართულ-ბრიტანული ბიზნეს მიღება გაიმართება, რომელსაც სს მისო „კრისტალი“ და „ფონდი კრისტალი“ უმასპინძლებს. აღსანიშნავია, რომ შეხვედრას დეპუტატი ფაბიან ჰამილტონი და 80-მდე საპატიო სტუმარი დაესწრება, მათ შორის: ლორდთა და თემთა პალატის წევრები, საქართველოს საგანგებო და სრულუფლებიანი ელჩი დიდ ბრიტანეთში, ქართულ-ბრიტანული სექტორის წარმომადგენლები და სტარტაპ ევროპის ქართველ-ბრიტანელი სტარტაპები.

რაც შეეხება “London Tech Week-ს“, მსოფლიოში ერთ-ერთ ყველაზე პრესტიჟულ ტექნოლოგიურ ღონისძებაზე დასწრების საშუალებას, ქართველ დელეგატებს, კომპანია „ორიენტ ლოჯიკი“ აძლევს.

“Google entrepreneur-ის“ მიერ დასპონსორებული გლობალური ღონისძიება “Startup Grind” 2010 წელს დაარსდა და უკვე 115 ქვეყანაში, 300 ქალაქში, მათ შორის, უკვე თბილისშიც ფუნქციონირებს. სწორედ “Startup Grind“ Tbilisi-ის მეშვეობით, წელს უფრო გაფართოებული წარმომადგენლობის ჩასვლა მოხერხდა ლონდონის კონფერენციაზე.

მონაწილეები არიან: “Enterprise Georgia“, “Georgian Innovation and Technolog Agency“, “British Embassy”, “Orient Logic”, “Crystal Fund”, “British Georgian Chamber Commerce”, “Embassy of Georgia in UK”, “European Business Association”.

სტარტაპები: V-Rex immersive ; Quickcash; Pulsar AI; Lingwing; Winefinder და ახალგაზრდა ანტერპრენუარების სკოლა – Lingua; Pick.ge;
Hony5500; Netwise.

Marketer.ge დეტალურად შემოგთავაზებთ ღონისძიების შესახებ ინფორმაციას. 

განხილვა