დევიდ ბექჰემს კარგად ეხერხება „საკუთარი თავის დამცირება“, რაშიც Uber Eats-ის Super Bowl-ის რეკლამამაც დაგვარწმუნა — აქ მიმების ეფექტი სახალისოდ გამოიყენა ცნობილმა ფეხბურთელმა. ახლა კი მანჩესტერ იუნაიტედის ლეგენდა კვლავ აგრძელებს მსგავსი მხარის ჩვენებას Stella Artois-ის რეკლამაში.
ბელგიური ლუდის ბრენდის გარე კამპანიაში ბექჰემის გარდა არავინაა წარმოდგენილი; უფრო სწორად, თავადაც არ ჩანს — მხოლოდ მისი ხელი. მაყურებლები სპორტსმენის ტატუირებულ მტევანს ხედავენ, რაც მიზანმიმართული არჩევანი იყო ბრენდის მხრიდან. ასე მთელი აქცენტი ლუდზე გადავიდა, ნაცვლად ცნობილი სახის ყურადღების ცენტრში მოქცევისა.
