in

Super Bowl LVIII-მა მაყურებლების რაოდენობით 1969 წლის მთვარეზე დაშვების რეკორდი მოხსნა!

Super Bowl LVIII, რომელშიც Kansas City Chiefs-სა San Francisco 49ers-ს შორის გამართული მატჩი დამატებით დროში 25-22 ანგარიშით დასრულდა, ყველაზე ყურებადი სატელევიზიო ჩვენება გახდა ისტორიაში. ციფრებში ეს 123.7 მილიონ მაყურებელს უდრის, რომელთაგანაც 120.3 მილიონი CSB-ზე მოდის, დანარჩენი კი Univision-სა და Nickelodeon-ზე. ამგვარად, გასული წლის სუპერ თასის Chiefs-Eagles-ის თამაშის რეკორდიც მოხსნა, რომელსაც 115 მილიონი მაყურებელი ჰყავდა. უფრო მეტიც, წლევანდელი თამაში იმდენად მასშტაბური იყო, რომ ამერიკელი აუდიტორიის ყველაზე დიდი ნაწილი მოიცვა 1969 წლის მთვარეზე დაშვების შემდგომ — როცა 150 მილიონ მაყურებლებს აჩვენეს, თუ როგორ დადგა მთვარეზე ფეხი ნილ არმსტრონგმა და ბაზ ოლდრინმა. 

სუპერ თასის ისტორიაში ყველაზე მეტი სტრიმინგი სწორედ წელს იყო, რომელშიც რეკორდული აუდიტორიით Paramount+ ლიდერობს. მართალია, ამბობდნენ, რომ ჩვენებისას გარკვეული ხარვეზები იყო, თუმცა კომპანიის თქმით, ტექნიკური პრობლემა სწრაფადვე გამოასწორეს.

CBS-ის ტელეგადაცემამ ფურორი მოახდინა რამდენიმე რეკლამით, რომლებშიც ცნობილი ადამიანები მონაწილეობდნენ, თითოეულს კი 30-წამიანი რეკლამა 7 მილიონი დოლარი დაუჯდა. ეს მოიცავდა ბიონსეს მოულოდნელ განცხადებასაც, რომელმაც 2 ახალი სიმღერა გამოუშვა და თქვა, რომ Renaissance: Act II შემდეგ თვეში ვიხილავთ.

ამას გარდა, მაყურებლებს წელს ბევრი მიზეზი ჰქონდათ Super Bowl LVIII-ის საყურებლად, საოცარ თამაშზე რომ აღარაფერი ვთქვათ, აქ მონაწილეობას იღებდნენ Usher, H.E.R, Alicia Keys, Lil Jon და Ludacris. რაღა თქმა უნდა, არც ტეილორ სვიფტი უნდა დაგვავიწყდეს, რომელიც თავის შეყვარებულ ტრევის კელსის გულშემატკივრობდა…

Microsoft 2024 წლის 3 AI ტრენდს ასახელებს

3 რჩევა სწორი და ინტენსიური პრაქტიკისთვის