დრო რომ გქონდეთ, უფრო მეტს ივლიდით? სიარულის მოტივაციის გასაზრდელად, შეიქმნა პლატფორმა Sweatcoin, რომელიც სიარულში ფულს იხდის. Sweatcoin, ასე ვთქვათ, ციფრული ვალუტაა, რომლის მოსაპოვებლადაც აუცილებელია აქტიური იყოთ. Sweatcoin-ის გამოსამუშავებლად, პირველ რიგში, დაგჭირდებათ მისი აპლიკაციის ჩამოტვირთვა სმარტფონზე. აპლიკაცია მუდმივად გახსნილი უნდა იყოს და ნებისმიერ დროს, როდესაც მოძრაობთ, ის ითვლის ნაბიჯებს და ციფრულ ვალუტაში გარდაქმნის. ყოველ ათას ნაბიჯზე, დაახლოებით, 1 SWC-ს მიიღებთ.
გარკვეული რაოდენობის SWC-ების დაგროვების შემთხვევაში, მათ გადაცვლას შეძლებთ იოგას გაკვეთილებში, მაღალტექნოლოგიურ ფეხსაცმელებში, სმარტფონებსა და სმარტ საათებში. სურვილის შემთხვევაში, SWC-ების დონაციაც შეგიძლიათ. ამ მომენტში, Sweatcoin-ს 3,767,183,843,532 ნაბიჯი აქვს გადაკონვერტირებული.
