in

თაკო ჭაბუკიანი ლოგოების საერთაშორისო კრებულის LogoLounge-ის ჟიურიშია

დიზაინერი და Pragmatika-ს არტ-დირექტორი თაკო ჭაბუკიანი LogoLounge-ის ჟიურის წევრია. „ლოგო ლაუნჟი“ საერთაშორისო კატალოგია, სადაც მსოფლიოს მასშტაბით შექმნილი საუკეთესო ლოგოები ხვდება. კრებულში, წელს, სხვადასხვა თემატიკაზე შექმნილი 3 000 ნამუშევარი შევა. შეფასებისთვის მაქსიმალური ქულაა 3, მინიმალური – 0.

„LogoLounge არის ლოგოების კრებული, რომელიც ყოველ წელს, ან ორ წელში ერთხელ გამოიცემა. ახლა მე-12 წიგნი გამოდის. შარშანდელ კატალოგში ჩემი და „პრაგმატიკას15 ლოგო მოხვდა. ცოტა ხნის წინ დამიკავშირდნენ ორგანიზატორები და მთხოვეს, ჟიურის 10 წევრიდან ერთ-ერთი მეც  ვყოფილიყავი “, -ამბობს თაკო ჭაბუკიანი.

ნამუშევრების შეფასება 15 მაისს დაიწყება. ჟიურის ამისთვის 11 დღე აქვს.

„3 ქულიანი სისტემით უნდა შევაფასო ყველა ლოგო, რომელიც ბოლო ერთი წლის მანძილზე აიტვირთა LogoLounge-ის ვებგვერდზე. ის, რომ წელს „ლოგო ლაუნჟის“ ჟიურის წევრი ვარ, თავისთავად, ძალიან დიდი პატივი და პასუხისმგებლობაა. ეს არის პროფესიონალთა გუნდი, რომელიც აფასებს შრომას და ხარისხს, რაც ვფიქრობ, ძალიან მნიშვნელოვანია“.

Boston Dynamics-ის რობოძაღლი ექიმებს COVID-19-თან ბრძოლაში ეხმარება

ქართულმა ინდი-თამაშმა “Medulla Game” Indigo Awards-ზე 3 ოქრო და 1 ვერცხლი მოიგო