in

როგორ იზრდებიან თანამედროვე ბრენდები?

წარმოიდგინეთ, რომ 1959 წელია და თქვენ ახალ პროდუქტს, სოდას, უშვებთ. ამისათვის ბოლის, ლოგოსა და სახელის შერჩევა გჭირდებათ. სასურველი შედეგის მისაღებად კი სარეკლამო სააგენტოსთან თანამშრომლობთ, დღეებს ატარებთ სხვადასხვა ვარიანტის ძიებაში, ირჩევთ ერთს და პლაკატების გაკვრის ბრძანებას გასცემთ. ასე იბადება ახალი ბრენდი.

ტრადიციული ბრენდები მედიის ჩვევებზე იყო აგებული — ვკითხულობ, ვუსმენ, ვუყურებ. მაგრამ ახლა ყველაფერი შეიცვალა.

ახალი ბრენდის ლანდშაფტი

თანამედროვე ბრენდები მრავალგანზომილებიანი ჰიბრიდები არიან, რომლებიც ადამიანების ცხოვრების ნაწილი ხდებიან და მუდმივ ურთიერთობებს ამყარებენ რეალურ დროში. ხედვა, სტრატეგია, მიზანი და ღირებულებები ერწყმის ყოველდღიურ ურთიერთობას როგორც მომხმარებლებთან, ისე თანამშრომლებთან.

წარმატების მისაღწევად დღევანდელი ბრენდები მიზანმიმართულები უნდა იყვნენ და სამყაროს შეცვლაზე აკეთებდნენ აქცენტს (გაიხსენეთ Ikea, „ბევრი ადამიანისთვის უკეთესი ყოველდღიური ცხოვრების შექმნა“). ამასთანავე, მნიშვნელოვანია მომხმარებლის გამოცდილების ოპტიმიზაცია. რომ აღარაფერი ვთქვათ პერსონალიზებული და ადაპტირებული სერვისების შესახებ, რომლებიც მომხმარებლის საჭიროებებს აკმაყოფილებს.

გარდა ამისა, მნიშვნელოვანია, ბრენდებმა თავიანთი ღირებულებები გააცნობიერონ. თანამშრომლებზე ორიენტირებული ბრენდის სისტემები პოპულარობით სარგებლობს, რადგან მათ საუკეთესო ნიჭის მოზიდვა და ყველაზე გავლენიანი წარმომადგენლების გაერთიანება შეუძლიათ.

დღეს ბრენდებმა მუდმივად უნდა გააუმჯობესონ თავიანთი პროდუქტები, პროცესები და კულტურაც კი — ეს არის უზარმაზარი წინგადადგმული ნაბიჯი ძველი „გააკეთე და დაივიწყე“ გზიდან. ბიზნესისთვის, რომელიც ნავიგაციას უწევს ამ ახალ გარემოს, მუშაობის რამდენიმე გზა გამოიყოფა, რომელიც მხარს უჭერს ინოვაციებს და სწრაფ ცვლილებებს.

რეცეპტი წარმატებისთვის — იმუშავეთ, როგორც სტარტაპმა

ადვილია თქვენი მისიის ან მიზნის შესახებ საუბარი, ამიტომ მოერიდეთ ხანგრძლივ ჰიპოთეტურ დისკუსიებს ისეთი საგნების შემუშავებით, რომლებიც იდეებს აცოცხლებს. აქ გადამწყვეტი მნიშვნელობის მატარებელია სწრაფად მოქმედება, მაგრამ არა ხარისხის სანაცვლოდ.

მაგალითად, მობილურ ოპერატორ Smarty-ს სტრატეგია ბოლო ხუთი წლის განმავლობაში ასეთი იყო: ტესტი → სწავლა → გამეორება → გაუმჯობესება. ეს არის ერთგვარი ექსპერიმენტული კულტურა, რომელიც აუდიტორიის ახალი ტრიგერების გამოვლენას, მომხმარებელთა გამოცდილების გაუმჯობესებას და ბაზარზე მოწინავე პოზიციის დაკავებას უწყობს ხელს. ამ ტიპის თანამშრომლობითი, ღირებულებაზე ორიენტირებული პროცესი „დნმ-ის“ ძირითადი ნაწილია.

ფრაგმენტულიდან სისტემატიზებულზე გადასვლა

არასოდეს დაკარგოთ მხედველობიდან ის ფაქტი, რომ თქვენ მიერ მიღებულ ნებისმიერ გადაწყვეტილებას შესაბამისი ღირებულება უნდა ახლდეს თან. წარმოიდგინეთ ბრენდი, როგორც ოპერაციული სისტემა, რომლითაც ბიზნესის ფუნქციები და გადაწყვეტილებები მიიღება.

თქვენი მიზნის, მომხმარებლებისა და პოზიციის ღრმა გაგება მნიშვნელოვანია. ამ მარადმწვანე პრინციპების დამკვიდრებით, შეგიძლიათ, შექმნათ მოქნილი, მაგრამ თანმიმდევრული ელემენტები. მოქნილი ბრენდის სისტემას კი რეალურ დროში შეუძლია ადაპტირება, რათა საზოგადოებასთან ერთად გაიზარდოს.

გახსოვდეთ: ფორმა მიჰყვება ემოციებს

Frog-ის დამფუძნებელმა ჰარტმუტ ესლინგერმა თქვა: „ფორმა მოსდევს ემოციებს“ და ეს დღესაც ისეთივე მართალია, როგორც 1969 წელს. იმისთვის, რომ თანამედროვე ბრენდებმა ხალხთან რეზონანსი მოახდინონ, მნიშვნელოვანია თქვენი აუდიტორიის გაგება, კომუნიკაცია და კავშირი. თავიდანვე ჩართეთ ქცევითი გაგება და თანაგრძნობა თქვენს სამუშაო პროცესში.

თანამედროვე ბრენდები გამარჯვებულები ხდებიან, როდესაც ისინი მუდმივად ცდილობენ დაამყარონ პოზიტიური კავშირები აუდიტორიასთან გააზრებული ურთიერთქმედების გზით. ბრენდის შექმნის ეს მიდგომა არის ერთადერთი გზა, რომ ცვალებადი მოთხოვნები შეასრულოთ.

შეცვლის თუ არა მეტავერსი კომპანიების ხედვას? პასუხი მარტივია – დიახ!

Gucci სტენლი კუბრიკის საკულტო ვიზუალებს აცოცხლებს