17
Dec
2019

სიმარტივე, როგორც მომხმარებლის საუკეთესო გამოცდილება

17 Dec 2019

დღეს, როცა ცხოვრება ძალიან გვეჩქარება და ბრენდებზე არჩევანს იმის მიხედვით ვაკეთებთ, ჩვენი პრობლემიდან გამოსავალს რომელი უფრო მარტივად და სწრაფად გვაპოვნინებს, ლოგიკური ხდება კომპანიების გადაწყვეტილებაც, მომსახურებაში ციფრული და თანამედროვე სისტემები დანერგონ.

ადამიანებისთვის ცხოვრების გამარტივება, დიდი ხანია, თიბისი ჯგუფის ამოსავალ წერტილად იქცა და ამ შესაძლებლობას ის სხვადასხვა სერვისსა თუ პროდუქტში, მათ შორის, თიბისი დაზღვევაშიც იყენებს – მომხმარებელს ეხმარება, რისკის დადგომის შედეგად წარმოქმნილი ზარალის თავიდან აცილებაში. ამ სტატიაში თიბისი ავტოდაზღვევაზე გვინდა, მოვყვეთ და დასაწყისისთვის გეტყვით, რომ სამი კრიტერიუმი, რის მიხედვითაც კომპანია ბაზარზე საუკეთესოს სტატუსის მოპოვებას ცდილობს, არის: სწრაფი ანაზღაურება, ხარისხიანი სერვისი და მომსახურების სიმარტივე.

თიბისი დაზღვევა ბაზარზე, სულ რაღაც, 3 წელია, არსებობს და სტატისტიკურ მაჩვენებლებს თუ დავეყრდნობით, მივხვდებით, რომ მან შეძლო, ავტოდაზღვევის საცალო მიმართულებით, ლიდერი გამხდარიყო.

თუმცა, უშუალოდ, სანამ რიცხვებს გაგიზიარებდეთ, მანამდე ცოტა ხნით შევჩერდეთ „საცალო მიმართულებით ლიდერობაზე“. ზოგადად, თიბისი დაზღვევაში ამბობენ, რომ ავტომობილის მფლობელებში დაზღვევის კულტურის ამაღლება კომპანიის სტრატეგიის ერთ-ერთი მთავარი ნაწილია და როგორც წესი, კორპორატიულ შეთავაზებებთან შედარებით, ცალკეული ადამიანების ნდობის მოპოვება გაცილებით რთულია. დღესდღეობით, მთელი ბაზრის 88% კერძო საკუთრებაში მყოფი მანქანებია, 12% კი კომპანიებისა და სახელმწიფო სტრუქტურების მფლობელობაშია. მიმდინარე წლის 6 თვის მონაცემებით, ბაზრის წილის 31% სწორედ თიბისი დაზღვევაზე მოდის, რაც ნიშნავს, რომ კომპანიას ყველაზე მეტი ავტომანქანა ჰყავს დაზღვეული, უფრო ზუსტად, საქართველოში, ყოველი მესამე ადამიანი თიბისი დაზღვევას ენდობა და ირჩევს.

რაც მთავარია, ეს ნდობა და ლოიალურობა ციფრებშიც გამოიხატება და მომხმარებლის კმაყოფილების ინდექსსაც (CSI) თუ ჩავხედავთ, კომპანიის ეს მაჩვენებელი ბაზარზე ყველაზე მაღალია – 89.6.

კმაყოფილება კი, თავის მხრივ, თიბისის დაზღვევის მიერ ანაზღაურებულ თანხაშიც გამოიხატება, რომლის მიხედვითაც ლიდერია ბაზარზე: 2018 წელს ანაზღაურებული თანხა 9 500 000 ლარი იყო, 2019 წლის პირველ სამ  კვარტალში კი,  კომპანიამ მომხმარებლებს უკვე 9 800 000 ლარი აუნაზღაურა.

უფრო დეტალურად, თიბისი დაზღვევის უპირატესობებზე კომპანიის მარკეტინგისა და საზოგადოებასთან ურთიერთობის დეპარტამენტის უფროსი თათია კარიაული გვესაუბრება:

M: თათია, ამბობთ, რომ სადაზღვევო ბაზარზე საუკეთესო მომსახურება ნიშნავს სწრაფ ანაზღაურებას, ხარისხიან სერვისსა და მომსახურების სიმარტივეს… მოგვიყევით, უშუალოდ, თიბისი დაზღვევის გამოცდილებაზე…
ჩვენთან დღეში საშუალოდ 60 ავტოსაგზაო შემთხვევა ფიქსირდება. არის მარტივი შემთხვევები, რაც შემოსვლისთანავე ტელეფონით სრულდება და მომხმარებელს თანხა, დაახლოებით, 30 წუთში ანგარიშზე ესახება.

ჯამურად, ამ ეტაპზე, 3 დღეში ჩვენი დაზღვეულების საგზაო შემთხვევების 48%-ს, 5 დღეში – 85%-ს, ხოლო 10 დღეში – 96%-ს ვანაზღაურებთ.

ჩვენი მიზანია, 3 დღეში ანაზღაურებული შემთხვევების რაოდენობა კიდევ უფრო გავზარდოთ. ხშირ შემთხვევაში, ავტოსაგზაო შემთხვევა ექსპერტიზას მოითხოვს, რაც ანაზღაურების დროის გახანგრძლივებას თავისთავად გულისხმობს. თუმცა, აქაც გარკვეული ავტომატიზაციისა და ინოვაციური სისტემების დანერგვით ვამცირებთ, მაგალითად, ზარალის შეფასების დროს.

M: და მაინც, რა არის ბაზარზე თიბისი ავტოდაზღვევის მთავარი უპირატესობა?
ჩემი აზრით, თიბისი დაზღვევის მნიშვნელოვანი უპირატესობა ის ხედვები და მიდგომებია, რაზეც უკვე ვისაუბრეთ – სიმარტივე და მომსახურების მაღალი სტანდარტი, რაც ასევე, უნიკალურ ციფრულ სერვისებში გამოიხატება.

M: რა იგულისხმება უნიკალურ ციფრულ სერვისებში?
დაზღვევის შეძენა ვირტუალურად შესაძლებელია, თუმცა, უშუალოდ, სადაზღვევო შემთხვევის დადგომასთან ერთად, მომსახურების პროცესი რთულდება. თიბისი დაზღვევა კომპანიაა, რომელიც მომხმარებლებს ზარალსაც დისტანციურად უნაზღაურებს:

მას შემდეგ, რაც  თიბისი დაზღვევა დაზღვეულთან ზარალის თანხის ოდენობაზე შეთანხმდება, მზადდება დარეგულირების აქტი, რომელზეც დაზღვეულს შესაძლებლობა აქვს,მომხმარებლებს „ხელმოწერის“ ორი ალტერნატიული გზა შესთავაზოს: სატელეფონო ზარით ან მესიჯის საშუალებით.

მესიჯის შემთხვევაში – მომხმარებელს მოკლე ტექსტური შეტყობინების სახით ეგზავნება ბმული, რომელზეც გადადის და მომსახურება სრულდება, ანუ, დაზღვეულს ზარალის ასანაზღაურებელი თანხა ერიცხება;

სატელეფონო ზარი – პიროვნების იდენტიფიცირება ტელეფონზე საუბრით, რამდენიმე კითხვით ხდება და ამ შემთხვევაშიც, პროცესი ზარალის ანაზღაურებით – თანხის ჩარიცხვით სრულდება.

M: რა იქნება თიბისი დაზღვევის მორიგი ციფრული გამოწვევა? განვითარებას როგორ აპირებთ?
ჩვენი მიზანია, დაზღვევის პროცესი რაც შეიძლება მარტივი გავხადოთ. აქამდე თუ ვზრუნავდით იმაზე, რომ დაზღვევის ყიდვა უმარტივესად ყოფილიყო ციფრულ სამყაროში, ახლა უკვე დავნერგეთ, რომ უშუალოდ, დაზღვევის სარგებლობის დროსაც ყველაფერი ციფრულად, რაც შეიძლება მარტივად მოხდეს  და ადგილზე მოსვლა, ხელის მოწერა და სხვა საჭირო აღარ იყოს.

სამომავლოდ, ბევრი ცვლილება გვაქვს დაგეგმილი. ძირითადად, ონლაინ შეძენისა და ციფრული გადაწყვეტებით, მომხმარებლის ცხოვრების კიდევ უფრო გამარტივება გვაქვს მიზნად. ასევე, ჩვენი მომხმარებლებისთვის განსაკუთრებით სენსიტიური არის, უშუალოდ, ავტოსაგზაო შემთხვევების დროს ჩვენი რეაგირება – ამიტომ, მიუხედავად მაღალი შეფასებებისა, განსაკუთრებული ფოკუსი ამ ნაწილზე გვაქვს გადატანილი.

[R]

განხილვა