19
Aug
2019

თიბისი My.ge-ის, დაახლოებით, 19 მილიონად ყიდულობს 

19 Aug 2019

„თიბისი“ პლატფორმა My.ge-ს საკონტროლო პაკეტს ყიდულობს. როგორც თავად ამბობენ, კომპანიის 65%-იანი წილის შეძენაზე შეთანხმება, ჯგუფის დამფუძნებლებთან, უკვე მიღწეულია.

„გარიგების ზუსტი ღირებულება 19.45 მლნ ლარია, რაც ნიშნავს, რომ ჯგუფი შეფასებულია 29.93 მლნ ლარად. თიბისის აქვს უფლება, გარკვეული პირობებით, დარჩენილი 35%-იც გამოისყიდოს“.

My.ge ჯგუფის შემადგენლობაში შედის: myauto.ge, myhome.ge, mymarket.ge და myjobs.ge, რომლებსაც, ოფიციალური ინფორმაციით, ყოველთვიურად, 1.7 მილიონი უნიკალური მომხმარებელი ჰყავს. 2018 წელს, ჯგუფის აქტივები 3.3 მილიონ ლარს, ამონაგები კი, 4 მლნ ლარს შეადგენდა.

 

წყარო: GBC.ge

განხილვა