თბილისის ერთ-ერთი უმსხვილესი სავაჭრო ცენტრი 5 წლის გახდა და დაბადების დღის განსაკუთრებულად აღნიშვნას აპირებს. მარკეტერი კომპანიის მარკეტინგის მენეჯერს, ნატა გოგოლაძეს ესაუბრა:
M: როდის იგეგმება სადღესასწაულო ღონისძიებები?
თბილისი მოლი 5 წლის იუბილესთვის სტუმრებს 7-დან 9 აპრილის ჩათვლით მიიღებს.
M: რა გაქვთ დაგეგმილი იუბილესთვის?
7 აპრილს, დაბადების დღეს გახსნის თბილისის ბიგ ბენდი, დღის განმავლობაში, მუსიკალურ გაფორმებაზე იზრუნებს ჯერ საქსოფონისტი, შემდეგ კი დიჯეი.
M: თუ გაქვთ გათვალისწინებული გასართობი პროგრამები ბავშვებისთვის?
დაგეგმილ ღონისძიებაზე, სპეციალურად ბავშვებისთვის იქნება თბილისი მოლის გართობისა და სიურპრიზების ზონები, თოჯინების თეატრის წარმოდგენა – „დონ კიხოტი“.
M: მშობლები როგორ გაერთობიან?
რაც შეეხება მშობლებს, მათთვის დაგეგმილია ვიქტორინები.
მსურველებს, ასევე, შესაძლებლობა ექნებათ, ვირტუალურ თამაშებშიც ჩაერთონ და ნამცხვრების წვეულებაში მიიღონ მონაწილეობა.
M: კიდევ რა სიურპრიზი ელით სტუმრებს?
დღის ბოლოს, გარდა საიუბილეო ტორტით გამასპინძლებისა, თბილისი მოლი სტუმრებს ღამის შოპინგის შესაძლებლობასაც მისცემს.
დეტალური ინფორმაციისთვის ეწვიეთ:
https://www.facebook.com/pg/TbilisiMall/events/?ref=page_internal
