Marketer.ge-ს ორგანიზებით, 27 მარტს სასტუმრო „ტელეგრაფი“ მარკეტინგული ეკოსისტემის მთავარი შეკრების ადგილად გადაიქცევა — ბიზნესისა და მარკეტინგის სფეროში ჩართულ ადამიანებსა და კომპანიებს მიეცემათ შესაძლებლობა, ერთმანეთს გააცნონ საკუთარი ბრენდები, სერვისები, B2B ფორმატში გააღრმავონ კავშირები და დაამყარონ ახალი ურთიერთობები, ასევე მოისმინონ სხვადასხვა წარმატებული მარკეტინგული ქეისი.
ფორუმი დღის განმავლობაში 1,000-ამდე ვიზიტორს უმასპინძლებს.
ღონისძიება ორი სივრცისგან შედგება — B2B მარკეტფლეისი საქმიანი შეხვედრებისა და ახალი კავშირების დასამყარებლად და ფორუმის მთავარი სცენა — საინტერესო ბიზნესქეისების გასაზიარებლად.
20:00-დან ფორუმის მონაწილეები შეძლებენ დაესწრონ კანის ლომების ახალგაზრდული ფესტივალის დაჯილდოებას. გამარჯვებულები კანის ლომების საერთაშორისო ფესტივალზე საქართველოს სახელით იასპარეზებენ.
ღონისძიებაზე სტუმრის სტატუსით დასწრება შეუძლია ყველას — საჭიროა წინასწარი რეგისტრაცია ბმულზე.
თუ გსურთ ფორუმში მონაწილეობა მიიღოთ თქვენი კომპანიის სახელით და გაზარდოთ ბიზნესი, გთხოვთ შეავსოთ შესაბამისი სარეგისტრაციო ფორმა 20 მარტამდე.
