დღესდღეობით ბუნებაზე ზრუნვისა და მასთან ჰარმონიაში ცხოვრების საკითხი ბევრი ჩვენგანის მიზნად იქცა. მზარდი ინტერესის ფონზე კი, სხვადასხვა კერძო კომპანიის ყურადღებაც მიიპყრო — თანაც ისეთი ინდუსტრიებიდან, რომლებიც პირდაპირ არაა დაკავშირებული გარემოსდაცვით სამუშაოებთან. როგორც ჩანს, ნელ-ნელა ყველა აცნობიერებს, რომ გარემოზე ზრუნვა თითოეული ჩვენგანის პასუხისმგებლობას წარმოადგენს.
რა თქმა უნდა, მსგავსი ტენდენცია საქართველოშიც გამოიკვეთა, რისი ნათელი მაგალითიც ქართული სამშენებლო დეველოპერული კომპანია „ტექტო ჯგუფია“. მისი ამოსავალი წერტილი კი ე. წ. მწვანე პოლიტიკაა, რაც სლოგანშიც გამოიხატება: „იფიქრე მომავალზე, იფიქრე ტექტოზე!“. უფრო კონკრეტულად, კომპანია ენერგოეფექტური მშენებლობისა და გამწვანების ასპექტებს აქტიურად იყენებს თითოეულ ნაგებობაში.
„ტექტო ჯგუფის“ წარმოების უპირატესობა
აღსანიშნავია, რომ „ტექტო ჯგუფი“ დეველოპერულთან ერთად, სამრეწველო საქმიანობასაც ეწევა, რაც სამშენებლო მასალების წარმოებას გულისხმობს. მათ შორისაა სამშენბელო ბლოკი, წებოცემენტი და სხვა ყველაფერი, რაც სრულფასოვან მშენებლობას სჭირდება. ეს უპირატესობა კომპანიას საშუალებას აძლევს, პროექტზე მუშაობისას უშუალოდ საკუთარი პროდუქცია გამოიყენოს და გარე წყაროების მოძიება ან ჩართულობა არ დასჭირდეს. შესაბამისად, სრულ ხარისხსაც თავად აკონტროლებენ მისი წარმომადგენლები.
მთლიანობაში, „ტექტო ჯგუფის“ მუდმივ, სტაბილურ სიძლიერეს ნოვატორული ხედვების მქონე, პროფესიონალი კადრები განაპირობებენ. სწორედ ისინი ზრუნავენ სამშენებლო ინდუსტრიაში მწვანე პოლიტიკის რეალიზებაზე, ენერგოეფექტურ მშენებლობასა და მომხმარებლებზე ორიენტირებულობაზე.
პროექტები
კომპანია ამ ეტაპზე ზღვისპირა პროექტებს ახორციელებს აჭარაში.. მისი მიმდინარე პროექტებია „ტექტო ფრანკო“ და „ტექტო რაკურსი“. აქედან პირველი ბათუმში, კონცელიძის N8-ში 11 000 კვ.მ ფართობზეა გაშენებული და საერთო ჯამში 921 ბინას მოიცავს. თავის მხრივ, პროექტის მშენებლობა მიმდინარეობს ტექტო ჯგუფის მიერ, საერთაშორისო სტანდარტებით წარმოებული უმაღლესი ხარისხის ენერგოეფექტური და ეკოლოგიურად უსაფრთხო მასალებით. ამასთან, ზღვისპირა აპარტამენტები მწვანე კარკასით ბარდება, რაც გულისხმობს: ამოყვანილ შებათქაშებულ კედლებს, მოჭიმულ იატაკს, ორმაგი ალუმინის კარ-ფანჯარას, სახლში შეყვანილ კომუნიკაციებს (დენი, წყალი, გაზი). დამატებით, ტექტო ფრანკოს ყველა მობინადრეს, საჩუქრად გადაეცემა ჭკვიანი სახლის სისტემა.
რაც შეეხება მეორე პროექტს „ტექტო რაკურსი“, ამ შემთხვევაში კომპანიამ ეკოლოგიურად სუფთა სუბტროპიკულ ზონაში, კურორტ ჩაქვში გადაწყვიტა საცხოვრებელი კომპლექსის აშენება. ის ზღვის ზოლიდან 30 მეტრში მდებარეობს, ბოტანიკურ ბაღთან და მტირალას ეროვნული პარკის მიმდებარედ — სწორედ ამ უნიკალურ ხედებს უკავშირდება კომპლექსის სახელიც, რადგან აქედან ყველა რაკურსით იშლება ზღვის პანორამული ხედები.
ამასთან, „ტექტო რაკურსი“ 12 417 კვ.მ-ზე განთავსდება და მოიცავს ჭკვიანი სახლის სისტემით აღჭურვილ პრემიუმ კლასის აპარტამენტებს 29 კვ.მ-დან 97 კვ.მ-მდე. მისი მიმართულებით გადაადგილება კი ბათუმის იახტკლუბიდან კატერით იქნება შესაძლებელი, რადგან პროექტი საკუთარ ნავსადგურსაც ითვალისწინებს. აღსანიშნავია ისიც, რომ პროექტი ითვალისწინებს 24-საათიან დაცვას და კონსიერჟის მომსახურებას.
სერტიფიკატებით დამტკიცებული ხარისხი
როგორც ტექტო ჯგუფში გვეუბნებიან, ის რეგიონში პირველი კომპანიაა, რომელმაც 3 ISO სერტიფიკატი მოიპოვა. ესენია: ISO 9001:2015 (Quality Management System), ISO 14001:2015 (Environmental Management System), ISO 45001:2018 (Occupational Health and Safety Management System).
რა თქმა უნდა, აღნიშნული სერტიფიკატის ფლობა ნათელი მტკიცებულებაა, იმისა, რომ კომპანიის ძირითადი პრიორიტეტი ხარისხია. მის მთავარ მისიას კი ჯანსაღი და უსაფრთხო გარემოს შექმნა წარმოადგენს, რასაც თან ერთვის მთელი რიგი უპირატესობები — დაწყებული ადგილმდებარეობით, დასრულებული უმაღლესი ხარისხის, დახვეწილი აპარტამენტებით.
რა უპირატესობებს მიიღებენ მობინადრეები „ტექტო ჯგუფის“ კომპლექსებში?
პირველ რიგში, უნდა აღვნიშნოთ საცხოვრებელი კომპლექსების მულტიფუნქციურობა. კერძოდ, ხარისხიანი მასალით მოპირკეთებული აპარტამენტების გარდა, ორივე პროექტი სრულფასოვნად ფარავს თანამედროვე ადამიანისთვის საჭირო მოთხოვნებს — მათ შორისაა:
- გამწვანებული გარემო
- ფიტნეს კლუბი
- ღია და დახურული აუზები
- სამუშაო სივრცეები
- სასტუმროს მომსახურება
- კომერციული ფართები
- პერსონალური პარკინგი მანქანებისთვის
გამოდის, მაცხოვრებლებს კომპლექსიდან გასვლა არ დასჭირდებათ იმ ფუნდამენტური საჭიროებების დასაკმაყოფილებლად, რისი მიღებაც ყოველდღიურად გვსურს. აქ ეფექტურადაა გადაწყვეტილი დასვენების, განტვირთვისა და საქმიანი პროცესების საკითხი.
გარდა ამისა, ტექტო ჯგუფმა ბავშვიან ოჯახებზეც სათანადოდ იზრუნა — ტერიტორიაზე განლაგებულია კეთილმოწყობილი საბავშვო სკვერები, რათა პატარებს სრულიად უსაფრთხო სივრცე ჰქონდეთ სათამაშოდ.
ამ ყველაფრის საფუძველზე, აშკარაა, რომ „ტექტო ჯგუფის“ მთავარი ორიენტირი მომხმარებლებისთვის მაქსიმალურად მაღალი დონის საცხოვრებელი კომპლექსების შექმნაა. ტექტო ჯგუფს სურს, თანამედროვე ადამიანების მოთხოვნები არა მხოლოდ დააკმაყოფილოს, არამედ გაცილებით მეტი შესთავაზოს, თანაც ეს ყველაფერი მწვანე ეკონომიკისა და ენერგოეფექტურობის ფარგლებში.
[R]
