არტისტი, ემა შინი ქმნის ნამუშევრების სერიას, სახელად Hearts of Absent Women, რომელიც ისტორიის მანძილზე მივიწყებულ ქალებს ეძღვნებათ. წითელი პლუშის გულები ცქრიალა მძივებით არის მორთული და ანატომიურად უზუსტესი სტრუქტურითაა აწყობილი, რაც გამოხატავს წარსულიდან წაშლილი ქალების არსებობას.
„მე იაპონიაში დავიბადე და ტრადიციულ ოჯახში გავიზარდე. ჩემი ბაბუა ინახავდა ძვირფას საგვარეულო წიგნს 32 თაობის განმავლობაში, მაგრამ მასში მხოლოდ მამრობითი სქესის შთამომავლების სახელები იყო და არაფერი ეწერა ქალებზე. ჩემს ხელოვნებაში ყოველთვის ვცდილობდი აღმენიშნა ქალები და მათი ისტორიული ნაკეთობები. ეს სკულპტურული გულები დამზადებულია ნაქარგებისგან, ხელნაკეთი გობელენისა და papier mâché-სგან, რათა გამოხატულ იქნას ქალის საშინაო მოვალეობები და ის ემსახურება არა მხოლოდ ემოციურ გამოძახილს, არამედ ერთგვარი ამულეტის, დამცველის როლსაც ასრულებს”, – ამბობს ემა.
ფერადი ძაფებისა და ნაჭრებისგან დამზადებული ეს სკულპტურები ქალების კომპლექსურ შინაგან და გარე ცხოვრებას ასახავს.
