უნდა ვაღიაროთ, რომ სადღესასწაულო სეზონს „სრულყოფილად არასრულყოფილი“ მომენტებიც შეადგენს და სწორედ ამაზეა Tesco-ს უახლესი კამპანიაც. მოკლე ფილმების სახით იუმორისტულ სიუჟეტებს გვთავაზობენ, მათ შორის დედმამიშვილების კამათს, დაძაბულობას ვახშმობის დროს და უცნაურ შეხვედრებს მეზობლებთან.
„წელს გარდავქმნით და ვამჟღავნებთ შობის რეალობას, რომ იგი სრულყოფილი სურათებითა და ჩარჩოში ჩასმული მომენტებისგან არ შედგება. სწორედ ამ უცნაურ ქაოსში წარმოიშვება საშობაო სულისკვეთება…“.
ასე კი ტესკო თავისთვის ჩვეულ გზას აგრძელებს და კვლავ რეალური ამბების სთორითელინგს მიმართავს. მართალია, ამ წელს განწყობა ცოტათი უფრო მსუბუქია, მაგრამ ფილმის ნარატივი ამას არ მიჰყვება და იმ დაძაბულობებს გვაცნობს, რომლებიც საშობაო შეკრებების დროს შეიძლება წარმოიშვას, დაწყებული ოჯახური უთანხმოებებით და დამთავრებული კოლეგებთან უცნაური საუბრებით. თუმცა ახალი წელია, ამიტომ ყველაფერი კარგად უნდა დამთავრდეს…
Tesco-ს საახალწლო კამპანიაზე BBH London-ის სააგენტომ იმუშავა.
