30
Jan
2019

Tesla-მ შედარებით დაბალფასიანი მოდელები გამოუშვა

30 Jan 2019

Tesla-მ მოდელების Model X და Model S იაფიანი ვერსიები გამოუშვა. ახალ ვერსიებს 75 კვტ-იანის ნაცვლად, 100 კვტ-იანი ბატარეები აქვთ. Mashable-ის ცნობით, Model S-ის შეძენა, 498 კილომეტრიანი უზრუნველყოფით, ახლა $85.000-დ არის შესაძლებელი. Model X-ის ყიდვა, რომელსაც ერთ დამუხტვაზე 434 კმ-ის გარბენა შეუძლია, 88.000 დოლარად შეგიძლიათ. თუმცა 100კვტ-იანი მოდელების შეძენა კვლავაც იქნება შესაძლებელი. უბრალოდ, მას გაუმჯობესებული მონაცემები და 8.000 დოლარით მეტი ეღირება. ცვლილებაა დასახელებაშიც – ამ მოდელებს სახელწოდებაში Extended Range დაემატება.

შედარებით სწრაფი მოდელები, რომლებსაც Model S და Model X P100D სახელებით ვიცნობდით, ახლა Model S და X Performance-ად იწოდება. ფასები კი S-ისთვის $112.000, ხოლო X მოდელისთვის $117.000 იქნება.

ფასები მას შემდეგ შეიცვალა, რაც ილონ მასკმა ყველაზე იაფიანი მოდელების S და X გაყიდვა შეაჩერა და 75 კვტ სიმძლავრის ბატარეაც ამოიღო წარმოებიდან. ცვლილებები ემსახურება “ტესლას” წარმოების გამარტივებას. შეგახსენებთ, სექტემბერში კომპანიამ ფერების ასორტიმენტი ხუთამდე დაიყვანა, ხოლო ამ თვის დასაწყისში “ტესლამ” საწარმოო ძალებიც შეამცირა.

განხილვა