Tesla-ს სრულად ელექტრო Giga Train ოფიციალურად გამოჩნდა გერმანიის ლიანდაგებზე, რაც იმას ნიშნავს, რომ მგზავრობის მომავალი, შესაძლოა, ელექტრო ბატარეებზე გადაერთოს. ამგვარად, მდგრადი გადაწყვეტილებების შედეგად მიღებული მატარებელი ახლა ბრანდენბურგში გაცილებით მცირე ნახშირბადის კვალით მოძრაობს.
ახალი სარკინიგზო ხაზი საჯაროდ 7 აგვისტოს გაიხსნა და იგი Erkner-ის სადგურს Tesla Süd-ს უკავშირებს, სადგურს, რომელიც Tesla-ს Gigafactory Berlin-ში მდებარეობს. დასაწყისისთვის მგზავრობა ნებისმიერი ადამიანისთვის უფასოა. Siemens Mobility Mireo B-ის ბატარეის ელექტრო ტექნოლოგიის წყალობით, მატარებელს 500 მგზავრის გადაყვანა შეუძლია. ცალკე სივრცეა გამოყოფილი ეტლით მოსარგებლე ადამიანებისა და ველოსიპედებისთვის, რითაც იგი იდეალური ხდება სპეციალური საჭიროების მქონე პირებისთვის ან თუნდაც იმ მგზავრებისთვის, რომელთაც სამსახურამდე ველოსიპედით სიარული იზიდავთ.
აღსანიშნავია, რომ ემისიებისგან თავისუფალი დიზაინით Giga Train დაახლოებით კვირაში 50 ტონა ნახშირბადს ზოგავს, რითაც რეგიონისთვის ტრადიციული, საწვავზე მომუშავე მატარებლების შესანიშნავი მწვანე ალტერნატივა ხდება…
