საზოგადოება უკვე არაერთი სარეკლამო ვიდეორგოლით დარწმუნდა იმაში თუ, რამდენად მრავალფუნქციურია Google Assistant. მიუხედავად ამისა, კომპანია მუდმივად ცდილობს თავისი ხმოვანი ტექნოლოგიის სრულყოფას. ამჯერად, Google-მა, ვიდეორგოლში, Assistant-ის იმ შესაძლებლობას გაუსვა ხაზი, რომლის დახმარებითაც მოწყობილობას დამოუკიდებლად შეუძლია დაჯავშნოს რესტორანში ადგილი, იზრუნოს სილამაზის სალონში ჩაწერაზე და სხვა მსგავს დეტალებზე. გარდა ამისა, ბრენდი თავისი პროდუქტის დიალოგის რეჟიმში საუბრის შესაძლებლობის გაუმჯობესებასა და გამრავალფეროვნებაზე კიდევ უფრო აქტიურად მუშაობს.
