“კონკიას”, “მზეთუნახავისა და ურჩხულის”, “მეფე ლომის”, “ალისა საოცრებათა ქვეყანაში” და კიდევ სხვა მრავალი მულტფილმის ფილმად გარდაქმნის შემდეგ, დისნეიმ გადაწყვიტა, არც კვაზიმოდო დატოვოს ნაწყენი. ვიქტორ ჰიუგოს რომანზე 1996 წელს შექმნილი მულტფილმი “კუზიანი ნოტრ-დამიდან” ბავშვებისთვის დღემდე ერთ-ერთ საყვარელ ანიმაციად რჩება. თუმცა, დისნეის სურს, მულტფილმს ახალი სიცოცხლე აჩუქოს.
აღსანიშნავია, რომ ეს პირველი ფილმი არ არის, რომელსაც ჰიუგოს ნაწარმოებზე გადაიღებენ. 1997 წელს გადაიღეს მისი პირველი ვარიანტი. ჯერჯერობით უცნობია, როდის დაიწყება დისნეის გადაღებები.
