10
Jun
2019

ბარაკ ობამა Spotify-ისთვის პოდკასტებს ჩაწერს

10 Jun 2019

ამერიკის 44-ე პრეზიდენტი ბარაკ ობამა Spotify-ისთვის პოდკასტებს ჩაწერს. შეთანხმება მისი ოჯახის  საპროდიუსერო კომპანია Higher Ground-ისა და აუდიო პლატფორმის წარმომადგენლებს შორის უკვე მიღწეულია.

BBC-ის ინფორმაციით, ბარაკ ობამა, პოდკასტების სერიას, მეუღლესთან ერთად ჩაწერს. მიშელ ობამა ამბობს ამბობს, რომ ასე „გააძლიერებენ ხმას, რომელსაც ხშირად აიგნორებენ ან გაჩუმებას აიძულებენ“.

ობამების პოდკასტები შემეცნებითი და საგანმანათლებლო ფორმატის იქნება. როგორც Spotify-ის წარმომადგენლებმა, BBC-ისთვის მიცემულ ინტერვიუში აღნიშნეს, მსოფლიოს ძალიან გავლენიან ხმებთან მუშაობა, მათთვის, პრივილეგიაა.

როდის დაიდება პირველი ჩანაწერი და რა თემაზე ისაუბრებენ ბარაკ და მიშელ ობამები, უახლოეს მომავალში გახდება ცნობილი.

 

განხილვა