„ერთხელ თუ შეხვედი, ვეღარ გამოხვალ“ — ზუსტად ასეთი პრინციპით მოქმედებდა ამ დრომდე Threads. ყოფილი ტვიტერის და ამჟამინდელი X-ის კონკურენტად შექმნილი სოციალური ქსელი სწრაფად მოექცა მომხმარებელთა ყურადღების ქვეშ, მაგრამ იმპულსი მალე გაქრა. მალე დაიწყეს იმაზე ჩივილი, რომ პლატფორმას ნაკლები ფუნქციები ჰქონდა თუნდაც X-თან შედარებით. მას აკლდა თეგები, პირადი შეტყობინებები და დესკტოპიდან კონტენტზე წვდომის შესაძლებლობა.
გარდა ამისა, მთავარი პრობლემა ზემოხსენებულ პრინციპს უკავშირდებოდა. მომხმარებლები Threads-ს მხოლოდ იმის გამო ინარჩუნებდნენ, რომ მათ არ შეეძლოთ ერთის წაშლა მეორის დათმობის გარეშე. დიდხნიანი ლოდინის შემდეგ კი ეს პრობლემა გადაჭრეს — ამიერიდან Threads-ის ანგარიშის გაუქმება ინსტაგრამზე არ იმოქმედებს და პირიქით.
თუმცა სხვა მხრივ მოლოდინები არ დაუკმაყოფილებიათ და ბევრისთვის კვლავ მოსაწყენ პლატფორმად რჩება. როგორც ადამ მოსერი აცხადებს, პირადი შეტყობინებების დამატებას არც კი განიხილავენ…
