in

რატომ უნდა გამოიყენონ ბრენდებმა TikTok საძიებო სისტემად?

TikTok-მა იმას მიაღწია, რაც სხვა მედია პლატფორმებმა ვერ შეძლეს — შექმნა საზოგადოება, სადაც მომხმარებლები არა თუ უბრალოდ რეგისტრირდებიან, არამედ ერთგვარად „იძულებულნი“ არიან, შესაბამისი კონტენტი შექმნან. ასეთი მიდგომა კი დიდ სივრცეს ქმნის ინფორმაციის სწრაფი და ხშირი გაზიარებისთვის.

აქედან გამომდინარე, TikTok-ს იმის პოტენციალი აქვს, რომ გარკვეულწილად საძიებო პლატფორმადაც იქცეს. უახლესი მონაცემების თანახმად, Gen Z ინტერნეტ მომხმარებელთა თითქმის 40% არ იყენებს Google Search საძიებო სისტემას, რამაც კიდევ უფრო გაზარდა TikTok-ის იმერსიული ვიდეო მიდგომის სანდოობა ინტერნეტში. გამოდის, ტიკტოკის საძიებო ფუნქციონირებაც ისეთივე მაღალ დონეზეა ასული, როგორც მისი გასართობი კონტენტი.

ამასთან, ძირითადი განსხვავება გუგლის საძიებო სისტემასა და ტიკტოკს შორის, ტენდენციების თვალყურის დევნებისა და ანალიზის შესაძლებლობა. ამ უკანასკნელის მთავარი მახასიათებელი მომხმარებლების ადვილად მოზიდვის უნარია. ეს აშკარად აისახება მთელ პლატფორმაზე და მის სარეკლამო პროდუქტებზე, მომხმარებლის მიერ გენერირებული კონტენტიდან ჰეშტეგის გამოყენებამდე.

ყიდვის გადაწყვეტილებები

TikTok განსხვავებულად მართავს ყიდვის გადაწყვეტილებებს — აქ ყველაფერს დიდი მნიშვნელობა აქვს, როგორც ძიებებსა და მიმოხილვებს, ისე ჩართულობას. ბრენდებისთვის მნიშვნელოვანია ამ სტრუქტურის ღრმად გააზრება და არა მხოლოდ კონტენტის შესაქმნელი რესურსის გამოყოფა, არამედ პლატფორმის, როგორც საძიებო სისტემის გამოყენება.

გარდა ამისა, ტიკტოკზე საზოგადოების შექმნა სასიცოცხლოდ მნიშვნელოვანია, რადგან მომხმარებლებს შეუძლიათ, სწრაფად გახდნენ ბრენდის მიმდევრები ჰეშტეგების ან მიმოხილვების საშუალებით. ჩართულობის პრიორიტეტიზაცია შეძენის შემდგომი მარკეტინგული ტაქტიკაა, მაგრამ იშვიათად გამოიყენება, როგორც აღმოჩენისა და ყიდვის ინსტრუმენტი. ხოლო სწორი მიდგომით, TikTok-ის ახალ მარკეტერებს ამ პოტენციალის გამოყენება შეუძლიათ.

თქვენი მარკეტინგული მიქსის დივერსიფიკაცია

რეფერალური მარკეტინგი იცვლება და ახლა უფრო მეტია ჩართულობაც. შესაძლოა, ინფლუენსერებთან მუშაობა ეკონომიური ალტერნატივა იყოს Google Search-ისა და Shopping-ისთვის. უბრალოდ, მთავარია, კარგად გესმოდეთ თქვენი აუდიტორია და ნიშა. მაგალითად, Gen Z-ზე ორიენტირებული ბრენდები სწორედ ამ სტრატეგიით მიიწევენ წინ, განსაკუთრებით კონკურენტულ ვერტიკალებში, როგორიცაა სილამაზე და მოდა.

მიუხედავად იმისა, რომ TikTok-ის პოპულარობა ზრდას განაგრძობს, მნიშვნელოვანია გვახსოვდეს, შესაბამისობა ყოველთვის წარმატების კარგი მაჩვენებელი იქნება. ეს არის ადგილი, სადაც მიკროინფლუენსერები ხშირად უკეთესად ახდენენ რეზონანსს თავიანთ სამიზნე აუდიტორიასთან, რადგან მომხმარებლები ეძებენ ავთენტურ, ლოკალიზებულ კონტენტს. ლოკალიზაცია განსაკუთრებით მნიშვნელოვანია კონკრეტული მდებარეობის ან ენის მოთხოვნების მქონე ბრენდებისთვის, რადგან ის, კამპანიის დაგეგმვისას, შესაბამისი საკვანძო სიტყვების და ჰეშტეგების იდენტიფიცირებას ეხმარება.

მარტივად რომ შევაჯამოთ, ტიკტოკის საძიებო სისტემად გამოყენება ბრენდებსა და აპლიკაციებს ეხმარება, მარკეტინგულ მიდგომას დივერსიფიკაცია გაუკეთონ. შემქმნელზე ორიენტირებულმა კონტენტ სტრატეგიამ უკვე გაუხსნა კარი ბრენდებს მომხმარებლებთან უკეთ თანამშრომლობისთვის და TikTok-ის ცნობილი სარეკომენდაციო ალგორითმებით, ეს კომუნიკაცია მეტად გაიზრდება.

Agrolabs: „500Georgia-ს პროგრამის შემდეგ, ამერიკელი ინვესტორებისგან დამატებითი რესურსები მოვიზიდეთ“

როგორ შეცვალა ინფლუენსმარკეტინგმა ბრენდის დინამიკა