TikTok სოციალურ მედიაში 2016 წელს გამოჩნდა და მთლიანად შეცვალა კონტენტის შექმნისა და მოხმარების გზა. თითქმის ათი წლის შემდეგ კი, ყოველთვიურად 1 მილიარდზე მეტი აქტიური მომხმარებელი ატვირთავს მილიონობით ვიდეოს ყოველდღე, რისთვისაც მხოლოდ კრეატიული იდეა აღარ კმარა. თუ გსურთ, რომ თქვენი TikTok ვიდეოები უფრო საინტერესო იყოს, დიდი მნიშვნელობა მიანიჭეთ მათ დამონტაჟებას.
ამ სტატიაში ვისაუბრებთ იმაზე, თუ როგორ უნდა დაამუშაოთ ვიდეოკონტენტი, რომ TikTok-ზე დასადებად საინტერესო იყოს.
აპლიკაციის შიდა ხელსაწყოები
დავიწყოთ იმით, რომ თავად აპლიკაციაც გთავაზობთ რედაქტირების ფუნქციებს, რომლებიც თქვენს ვიდეოებს უფრო ყურებადს გახდის. ეს ფუნქციონალი საერთოა ყველა მომხმარებლისთვის და, ძირითადად, მაშინ გამოიყენება, როცა ბევრი რამ არ გაქვთ დასამონტაჟებელი, რადგან რედაქტირების მარტივ გზებს გაწვდით. ის საკმაოდ ინტუიციურია, ამიტომ დამწყებ კრეატორებსაც არ უჭირთ მისი გამოყენება.
ვიდეოების შექმნა და ატვირთვა TikTok-ზე
აპლიკაცია საშუალებას გაძლევთ, შიგნითვე გადაიღოთ ვიდეო. ამისთვის, უბრალოდ, ხნით აპს და აჭერთ + ნიშანს, იწყებთ გადაღებას და შემდეგ იქვე შეგიძლიათ, დაადოთ ვიდეოს მუსიკა, ხმა და წარწერა.
გარდა ამისა, შეგიძლიათ, მანამდე გადაღებული და სხვა სარედაქციო პროგრამაში დამუშავებული ვიდეოც ატვირთოთ, რომელიც უფრო პროფესიონალურ იერს მისცემს მას.
შეგიძლიათ, მონახაზის სახითაც შეინახოთ ვიდეო აპლიკაციაშივე და მოგვიანებით მიუბრუნდეთ დასასრულებლად.
TikTok ვიდეოს სტრუქტურირება
ზოგჯერ მხოლოდ ვიზუალური და ხმოვანი ეფექტების დადება არ არის საკმარისი, ვიდეოს სჭირდება ზედმეტი კადრების მოშორება ან დამატება, მოჭრა და სტრუქტურის მიცემა. დააჭირეთ “Edit” ღილაკს და ისე იპოვით ყველა საჭირო ფუნქციას ამისთვის.
გამოიყენეთ გლუვი გადასვლები, ძლიერი Call To Action-ები (მოქმედებისკენ მოწოდებები), რათა წაახალისოთ მომხმარებელი, მოიწონოს და გამოიწეროს თქვენი ანგარიში.
იმისთვის, რომ დაჭრათ ვიდეო, შეეხეთ მაკრატლის ხატულას რედაქტორში, მოაშორეთ ვიდეოს არასასურველი კადრები და შემდეგ გადახედეთ ვიდეოს თავიდან ბოლომდე, რათა დარწმუნდეთ, რომ ყველაფერი კარგად არის დამონტაჟებული.
კლიპების გაყოფა თხრობის გასაუმჯობესებლად
TikTok ვიდეორედაქტორში შესაძლებელია დინამიკური თხრობის შექმნა. ამისთვის კლიპების დაყოფა შეგიძლიათ:
- აირჩიეთ კლიპი, რომლის გაყოფაც გსურთ;
- შეეხეთ გაყოფის ხელსაწყოს რედაქტორში;
- გადაიტანეთ გაყოფილი მარკერი თქვენს სასურველ წერტილში ცალკე სეგმენტების შესაქმნელად.
ყურადღება მიაქციეთ ფუნქციას Aspect Ratio
ტრადიციულად, TikTok-ის ვიდეოს გამოსახულება 9:16-ია, რაც შესანიშნავად ერგება სმარტფონების უმეტეს ეკრანებს. თუმცა აპლიკაციაში ასევე არის YouTube-ის ფორმატის მსგავსი ვიდეოების ატვირთვის შესაძლებლობაც.
გააძლიერეთ თქვენი TikTok ვიდეოები აუდიო, ვიზუალური ეფექტებითა და ტექსტით
მას შემდეგ, რაც ააწყობთ ვიდეოს, გაალამაზეთ ის სტრატეგიულად მიმზიდველი აუდიოთი, დინამიკური ტექსტითა და ვიდეოეფექტებით.
აგრეთვე, გაზარდეთ ჩართულობა ტრენდული აუდიოს საშუალებით, რადგან TikTok მომხმარებლებს ძალიან უყვართ აუდიო. პოპულარული TikTok ხმების გამოყენება დაგეხმარებათ თქვენი შინაარსის მიმდინარე ტენდენციებთან გასწორებაში და გაზრდის ხილვადობას ალგორითმში.
დაამატეთ ხმის ეფექტები
აპლიკაცია თავად გაძლევთ მათ ვარიაციებს. ხმის ეფექტები შეგიძლიათ, გამოიყენოთ იუმორისტულ ვიდეოში, ასევე, სიურპრიზის შეგრძნების შესაქმნელად ან კრიტიკულ წერტილებზე აქცენტის გასაკეთებლად.
გადადით “Sounds” განყოფილებაში და აირჩიეთ სასურველი ეფექტი.
გამოიყენეთ წარწერები და ტექსტის გადაფარვები
მკაფიო სუბტიტრებისა და ტექსტური გადაფარვების დამატება მნიშვნელოვნად აძლიერებს თქვენი TikTok ვიდეოს ხელმისაწვდომობასა და ჩართულობას, ასევე აძლიერებს მის საძიებო შესაძლებლობებს.
გამოიყენეთ TikTok-ის ავტომატურად გენერირებული სუბტიტრები, რათა თქვენი ვიდეოები უფრო SEO მეგობრული გახადოთ. ამასთან, კრიტიკულად მნიშვნელოვან წერტილებზე გადაფარეთ ტექსტი, რათა ხაზი გაუსვათ საკვანძო მომენტებსა და CTA-ებს.
ახლა კი დააჭირეთ გამოქვეყნებას…
რედაქტირება არის უნარი, რომლის დახვეწასაც დრო სჭირდება. თქვენ გჭირდებათ პრაქტიკა მის გასაუმჯობესებლად. პრაქტიკასთან ერთად კი იმასაც მიხვდებით, რომელია თქვენი სტილი და როგორი კონტენტი უფრო მოსწონს თქვენს აუდიტორიას.
საუკეთესო რჩევაა – ხშირად ჩაატაროთ ექსპერიმენტები, იყავით ცნობისმოყვარეები და ნუ შეგეშინდებათ სიახლეების გამოცდის. როცა ამას აკეთებთ, ბუნებრივად შეიმუშავებთ სტილს, რომელიც ცალსახად თქვენია, შესაბამისობაშია მაყურებელთან და განასხვავებს თქვენს კონტენტს სხვებისგან.
