in

ყურადღების მისაქცევად წერა კარგად წერის მტერია! – ტიმ დენინგის 30 რჩევა

საუკეთესო ნაწერი იქმნება მაშინ, როცა მწერალს აქვს გამბედაობა, ტკივილი გამოხატოს იმ მგრძნობელობით, რომლის ქონის შესახებაც აქამდე წარმოდგენა თავადაც არ ჰქონდა. 

„წერას თქვენი ცხოვრების შეცვლა შეუძლია“, – ამბობს მწერალი, ტიმ დენინგი და 5 წლის განმავლობაში მუდმივად ამ საქმით დაკავებული, მზაობას გამოთქვამს, 2 წუთში გაგვიზიაროს ის 30 გაკვეთილი, რომელიც დღევანდელი გადმოსახედიდან, უკვე რჩევის სტატუსს თავისუფლად ირგებს:

pasha-statiebi
pasha-statiebi
  1. იმ შემთხვევაში, თუ აუდიტორიას ისე მოეპყრობი, როგორც დედა ზრუნავს საკუთარ შვილზე, ადამიანებს შენს ერთგულ მკითხველებად აქცევ;
  2. ყველა ერთსა და იმავეს ამბობს. ამოცანა ისაა, სათქმელს როგორ იტყვი, ამბებს როგორ, რა ფორმით მოჰყვები;
  3. მრავალრიცხოვანი მკითხველი არაფერს ნიშნავს. მნიშვნელოვანი ისაა, ერთ ადამიანს მაინც თუ დაეხმარე?
  4. ხშირი წერა, საბოლოოდ, ხარისხზე აისახება;
  5. ამიტომაც, მუდმივად, კვირაში ერთხელ ან ორჯერ, დროის წერისთვის დათმობა საშუალებაა, რომ მუშაობის საკუთარი სტილი, ხელწერა გამოიმუშაო და ასე, ეს პროცესი გაამარტივო;
  6. წერის დაწყება რთულია;
  7. ფულის გამო ნუ დაწერ. შეგაძულებს შენს საქმეს;
  8. პასუხისმგებლობა აიღე, რომ წერის პროცესს რამდენიმე წელს მიუძღვნი…
  9.  არ შეხედო შენი ვებგვერდის სტატისტიკას, შფოთს მოგგვრის და თვითშეფასებასაც დაგიგდებს;
  10. რამდენად ხარისხიანი ან ვირუსული იქნება შენი ნაშრომი, ვერ იწინასწარმეტყველებ;
  11. ადამიანები შენს ნაწერებს სამყაროს შესახებ შენი წარმოდგენების გამო კითხულობენ;
  12. ყურადღების მისაქცევად წერა კარგად წერის მტერია;
  13. დღეები, როცა წერა არ გინდა, მაგრამ მაინც წერ, როგორც წესი, უფრო ნაყოფიერია;
  14. რაც უფრო მეტად ცდი, რომ კარგად წერო, უფრო მეტი ნაწერი გაგიცრუებს იმედს. უბრალოდ, წერე;
  15. მოერიდე ბლოგის ქონას იმიტომ, რომ აქ ყურადღების გაფანტვის არაერთი ხელსაწყო გელოდება: SEO, მარკეტინგი, ჩარჩო, ტრაფიკი… ეს ყველაფერი შენს ფოკუსს ბუნდოვანს გახდის და წერას შეგაწყვეტინებს;
  16. იცოდე, რომ ზოგიერთს შენი ნაწერი მოეწონება, ზოგიერთი კი – შეიძულებს. ადამიანებს ვერ აიძულებ შენი ნაწერების შეყვარებას. ამიტომ, უბრალოდ, გამოაქვეყნე, ბევრი ფიქრის გარეშე;
  17. გამოქვეყნების ღილაკი პროფესიონალებს ყოფს მოყვარულებისა და იმ ადამიანებისგან, რომლებსაც „შეუძლიათ, გახდნენ პროფესიონალები“, ან „პროფესიონალები იქნებოდნენ“. ამიტომ, დააჭირე გამოქვეყნების ღილაკს!
  18. გააზიარე პრაქტიკული, „როგორ“ ტიპის სახელმძღვანელოები, ვთქვათ, როგორ მიაღწიე გარკვეულ მიზანს;
  19. გახსოვდეს, შენც ჩვენნაირი ხარ;
  20. ნუ იქნები წარმოდგენილი ყველა სოციალურ მედიაპლატფორმაზე აირჩიე ერთი;
  21. მესიჯებს უპასუხე და სხვა ადამიანებთან ურთიერთობაის პროცესში ჩაერთე;
  22. შენს თანამედროვე მწერლებს შეხედე, როგორც მეგობრებს და არა – მტრებს. ჩვენ სხვების დაფასებით ვიზრდებით;
  23. ცოტა ხნით წერისგანაც შეისვენე ხოლმე;
  24. მკითხველების მიმართ იყავი იმდენად ემპათიური, რამდენადაც შესაძლებელია;
  25. რაც ერთი წლის წინ დაწერე, მომავალში არარელევანტური იქნება. შენი წერის ხარისხი შეიცვლება ზუსტად ისე, რა პროგრესიც ცხოვრებაში გექნება;
  26. „მოწონების“ ღილაკს არასდროს გაუბედნიერებია ვინმე;
  27. შენ ვერ იქნები ყოველთვის მართალი და შენ არ შეგიძლია ყოველთვის სწორი არჩევანის გაკეთება. შემწყნარებელი იყავი საკუთარი თავის მიმართ;
  28. ტროლები და ე.წ. ჰეითერებიც მოვლენ და შენთვის საუკეთესო სტრატეგია მათი პატიება იქნება;
  29. მწერლის მიზანია, რომ მკითხველი: გაართოს, გააცინოს, პრაქტიკული რჩევა გაუზიაროს, შთააგონოს და სხვ.
  30.  მწერალი, რომელსაც ახასიათებს ცხოვრებაში რადიკალური ცვლილებები, არის: ემპათიური, კეთილი, ჰუმანური და მიმტევებელი. ივარჯიშე ამაზე.

და ბოლო ლუკმა
საუკეთესო ნაწერი იქმნება მაშინ, როცა მწერალს აქვს გამბედაობა, ტკივილი გამოხატოს იმ მგრძნობელობით, რომლის ქონის შესახებაც აქამდე წარმოდგენა თავადაც არ ჰქონდა.



რას ცვლის პანდემია კომუნიკაციაში?

ლა ლიგა ციფრულ ტრანსფორმაციას Microsoft-თან ერთად აანონსებს