ამერიკელმა სტრიტ არტისტმა, ტომ ბობმა, ქუჩის მოსაწყენი ინვენტარის “გაცოცხლება” სცადა. ტომი თავისი ფერადი ნახატებით ახალისებს ნიუ-იორკის ქუჩებს. მას შეუძლია ბუნებრივი აირის მილები სასაცილო ლობსტერებად აქციოს, გაახალისოს ჭების თავსახურები, უღიმღამო კედლები, სახურავები, ნაგვის ურნები და ა.შ. მისი შემოქმედების დამსახურებით, არაერთი ადგილი გაფერადდა და გამხიარულდა.
