in

რა განასხვავებს საუკეთესო გაყიდვების მენეჯერებს სხვებისგან?

რა არის პროფესიონალი გაყიდვების მენეჯერის მთავარი მახასიათებელი? რა განაპირობებს მის წარმატებას და რით განსხვავდება ის სხვებისგან? გადავხედოთ ამ რამდენიმე თვისებას:

თვითდისციპლინა

საუკეთესო გაყიდვების მენეჯერი არ საჭიროებს მენეჯმენტს, არამედ უბრალოდ სწორ სტრუქტურას, რაც მის სტიმულირებას უზრუნველყოფს და პატივსაცემ სამუშაო გარემოს, სადაც ზრდასა და განვითარებას შეძლებს. მუშაობა კომპანიაში, რომელსაც კარგი პროდუქტი აქვს, ბევრად ამარტივებს გაყიდვებს, მაგრამ გაყიდვების კარგ მენეჯერს ყველაფრის გაყიდვა შეუძლია. დისციპლინა კი, დაქირავებისას ყოველთვის იყო კრიტიკული მახასიათებელი და მისი მნიშვნელობა, დისტანციურად მუშაობასთან ერთად, კიდევ უფრო გაიზარდა.

კრეატიულობა

ეს მახასიათებელი პირდაპირ კავშირშია მოქნილობასთან. თუკი შეგიძლია იყო კრეატიული, შეგიძლია ახალი მიდგომა გამოიყენო, კონკურენტუნარიანობის შესანარჩუნებლად. ან, თუნდაც, ახალ მოგებიან წინადადებას მიაგნო, რომელიც მარკეტინგის გუნდს აზრადაც არ მოსვლია.

განსაზღვრულობა

გაყიდვა რთული საქმიანობაა. მუდმივად გიწევს უართან შეწინააღმდეგება – შეთანხმება შეიძლება ნებისმიერ მომენტში ჩავარდეს. პროფესიონალმა უნდა შეძლოს სიჯიუტის გამოვლენა, რათა ნებისმიერი წინააღმდეგობის მიუხედავად, იაროს წინ. სწორედ უარის ან მოულოდნელი უსიამოვნების მიუხედავად ფეხზე წამოდგომა განასხვავებს მას ჩვეულებრივი გაყიდვების მენეჯერებისგან.

ორგანიზებულობა

ყველა გამოცდილმა გაყიდვების მენეჯერმა იცის, რომ შეთანხმების მიღწევას მთელი რიგი ნაბიჯები სჭირდება. ასევე, უნდა შეძლოს რამდენიმე გაყიდვის პარალელურად წარმოება. ამიტომ, ორგანიზებულობა პროფესიონალის უმნიშვნელოვანესი მახასიათებელია, რათა გონივრულად ჰქონდეს გაწერილი, როდის წერილს სწერს, როდის – ურეკავს და ა.შ.

მოხერხებულობა

გაყიდვების ლიდერებს შეუძლიათ შესაძლებლობების მოხერხებულად პოვნაც და მათი შექმნაც. ისინი ყურადღებით აკვირდებიან ცვლილებებს, რაც მათ პოტენციურ კლიენტებს ყიდვის ბიძგს აძლევს. შემდეგ კი, ამ შანსს მათთან ურთიერთობის განსამტკიცებლად იყენებენ. როდესაც შეთანხმება იმის გამო შეიძლება ჩავარდეს, რომ საკონტაქტო პირი მოულოდნელად მიდის სამსახურიდან, პროფესიონალს ყოველთვის ჰყავს სხვა საკონტაქტო ადამიანი, რომელთან ერთადაც განაგრძობს შეთანხმებაზე მუშაობას.

შეეძლოს კარგად წერა

ახლა, როდესაც გაყიდვა ონლაინ პროცესი გახდა, ეს უნარი კიდევ უფრო აქტუალურია. პანდემიამდე დიდი ხნით ადრე, წინდახედული ორგანიზაციები ყიდდნენ დისტანციურად, რადგან მაშინვე მიხვდნენ, რამდენად ეკონომიური და მასშტაბურია ასეთი მიდგომა. რასაკვირველია, ადამიანებთან ტელეფონით ურთიერთობა ან ვიდეოზარი არავის გაუუქმებია, მაგრამ ელექტრონული მიმოწერა საკმაოდ მნიშვნელოვანი ნაწილია გაყიდვების პროცესისთვის.

მაშინაც კი, თუკი მაღალტექნოლოგიური ავტომატიზებული ხელსაწყოები გაქვთ, ვერაფერს გახდებით კარგი წერითი უნარების გამოყენების გარეშე.

განვითარებაზე მუდმივი ორიენტირებულობა

ეს მახასიათებელი საჭიროა ნებისმიერი თანამშრომლობისას. თუკი სტარტაპში გიმუშავიათ, გეცოდინებათ, რამდენად სწრაფად იცვლება ყველაფერი – ახალი პროდუქტები, მათი გაყიდვის გზები, ბაზარი, თარგეთინგი, კონკურენცია… იმისათვის, რომ გაყიდვები ეფექტურად და სტაბილურად წარიმართებოდეს, ბევრად ღირებულია თანამშრომელი, რომელიც საკუთარ უნარებს მუდმივი განვითარებით აუმჯობესებს. ყველაზე ეფექტიანი და პროდუქტიული სპეციალისტები სწორედ ისინი არიან, ვინც მუდმივად რაღაც ახალს სწავლობენ და წარმატებაც სწორედ მათი თანმდევია.

 

წყარო: inc



რატომ მივმართავთ თვით-საბოტაჟს?

პლატფორმა Feedc წერითი ნაშრომების საგრანტო პროექტს აცხადებს