19
ივნ
2017

#გაზარდეშენით – Traktor.ge-ს ახალი კამპანია აივნის მებაღეობის განვითარებისთვის

19 ივნ 2017

ფერმერთა საქმიანობაზე მორგებულმა ონლაინ მაღაზია Traktor.ge-მ ახალი კამპანიის – #გაზარდეშენით – ფარგლებში, საკუთარი აგრონომების დახმარებით, შექმნა ერთიანი ნაკრები, სადაც ყველა ის ელემენტია თავმოყრილი, რაც სახლის ან თუნდაც, ოფისის პირობებში, ჯანსაღი ბოსტნეულის მოყვანაში დაეხმარება მსურველებს. სეზონის გათვალისწინებით, ამ ეტაპზე,  საზაფხულოდ, შესაძლებელია მწვანილისა და კიტრი-პომიდვრის ნაკრების შეძენა და დარგვა. კამპანიის დეტალებზე, მარკეტერი ესაუბრა ნინო ნანიტაშვილს – ტრაქტორის მარკეტინგისა და ბიზნესის განვითარების ხელმძღვანელს:
M: ნინო, რა არის კამპანიის – #გაზარდეშენით – მიზანი?
ამ წამოწყებით გვინდა, რომ გავცდეთ ჩვენს მთავარ სამიზნე აუდიტორიას – საშუალო და მცირე მეურნეობის მქონე ფერმერებს – და ყველას მივცეთ საშუალება, წამოიწყოს საკუთარი მებაღეობა – აივანზე, აგარაკზე ან სულაც, ოთახის პირობებში. ამის გარდა, ჩვენი ერთ-ერთი მთავარი მესიჯი არის ის, რომ ადამიანებმა იკვებონ ჯანსაღი ბიოპროდუქციით. ყველაფერი, რაც ჩვენს ნაკრებში შედის, არის აბსოლუტურად ორგანული. ძალიან გვინდა, რომ ხალხი დაუმეგობრდეს მიწათმოქმედებას, ბოსტნეულს – ახალი ჰობიც გავუჩინოთ მათ და შესაბამისად, აივნის მებაღეობასაც მივცეთ ხელი.


M:
 რა შედის ნაკრებში და ნედლეული საიდან შემოგაქვთ?

მინდვრის კიტრის, „ჭოპორტულას“ პომიდვრისა და სალათის ფურცლის თესლი სოფლის ბაღებიდან; ქართული მწვანილების თესლი: ოხრახუში, კამა, ქინძი, ნიახური, რეჰანი; ფართო მოქმედების ეკოლოგიურად სუფთა, ბიო სასუქი (500 მლ); განოყიერებული მიწა; ქოთანი; ბაღის ხელსაწყოები (მცირე ზომის ნიჩაბი, სამკაპა, ფოხცი); ბაღის ხელთათმანი.
ყველაფერი, რასაც ამ ნაკრებში ერთად მოვუყარეთ თავი, არის ქართული. სასუქი, რაც მოყვება, არის ორგანული, ბიოსასუქი, რომლის საშუალებითაც, ბიომეურნეობასაც გვინდა, შევუწყოთ ხელი.

mBank
M: როგორია დარგვისა და მოვლის სპეციფიკა და მომხმარებელს თუ შეუძლია, რჩევით მოგმართოთ?

რაც მთავარია, ყველა შეფუთვის უკან იპოვნით დეტალურ ინსტრუქციას ბოსტნეულის მოვლა-მოყვანის შესახებ. შესაბამისად, მათ, ვინც ამ ნაკრებს იყიდის, დათესვიდან მოსავლის აღებამდე, სხვადასხვა სახის რჩევითა და ონლაინ კონსულტაციით დავეხმარებით, ჩვენივე საიტიდან. ისიც გავითვალისწინეთ, რომ ზოგ ადამიანს შეიძლება უკვე ჰქონდეს ბაღის იარაღები, ან ბოსტეულის პირდაპირ მიწაში ჩარგვა მოუნდეთ. მათთვის გვაქვს ცალკე შეთავაზებაც, რომელშიც მხოლოდ თესლი და ბიოსასუქი შედის.

M: როგორი საფასო პოლიტიკა გაქვთ?

 M: კამპანიის ფარგლებში, რა ღონისძიებები გაქვთ დაგეგმილი?
#გაზარდეშენით – კამპანიის სახელწოდებად ეს იმიტომ შევარჩიეთ, რომ მარტივად დასამახსოვრებელია და ვფიქრობთ, ვირუსული გახდება, შესაბამისად, გვინდა, პატარ-პატარა აქციები მოვაწყოთ და ხალხმა გაგვიზიაროს თავიანთი ბაღის ფოტოები სოციალურ ქსელში. მომავალ კვირას ვგეგმავთ ჩვენი Facebook გვერდიდან live-ზე გასვლას, სადაც ჩვენს ნაკრებს ნაბიჯ-ნაბიჯ „ავაწყობთ“ და ნებისმიერ კითხვას ვუპასუხებთ.

M:
როგორია შეძენის პროცესი, გადახდა როგორ ხდება და საკურიერო მომსახურებით სარგებლობა თუა შესაძლებელი ?

ჩვენ ვართ ონლაინ მაღაზია, ნებისმიერ ადამიანს შეუძლია, შეიძინოს სასურველი ნაკრები, გადაიხადოს ბარათით, ან სწრაფი გადახდის აპარატით ჩარიცხოს. ნებისმიერი შეკვეთის შემთხვევაში, ადგილზე მიტანა გვაქვს უფასოდ, ორ სამუშაო დღეში, თბილისის მასშტაბით. თბილისის გარეთ თუ იქნება საკურიერო მომსახურება, მაშინ დაემატება ტრანსპორტირების ღირებულება.

განხილვა