ამასობაში, „ტრანსფორმერები“ 40 წლის ხდება… თავად ფაქტიც ნოსტალგიურია, მაგრამ ამჯერად გადაწყვიტეს, იუბილესთვის ახალი ვიდეო გამოეშვათ, რომელიც ჩვენს ემოციებს კიდევ უფრო მძაფრს გახდიდა — თუ ნახავთ, თავადაც დარწმუნდებით, რომ გამოუვიდათ. ეს საქმე კი იაპონურ Studio Trigger-ს მიანდვეს, რომელიც Cyberpunk: Edgerunners and Delicious in Dungeon-ის ნამუშევრითაა ცნობილი. ამგვარად, ანიმაციების სახლმა 3-წუთიანი ვიდეო შემოგვთავაზა, რომელიც ფრენჩაიზის მდიდრულ ისტორიას მიაგებს პატივს.
Transformers-ის ამბის მოყოლა საკმაოდ ენერგიულ Mayday-ის მელოდიაზე გადაწყვიტეს, რომელსაც BUMP OF CHICKEN ასრულებს. მოკლედ რომ გითხრათ, ტრანსფორმერების თაობებს გვაცნობენ, შემოქმედებითი ნამუშევრის უკან კი ცნობილი ანიმატორები მასარუ საკამოტო და ჰიროკი მუტაგუჩი დგანან, ხოლო რეჟისორი აკირა ამემია.
თქვენ ხელახლა ესტუმრებით კლასიკურ მომენტებს G1-ის სერიებიდან, Beast Wars-დან, Transformers Animated-დან და სხვა ფილმებიდან. მწვავე ბრძოლებით დაწყებული და Optimusis სიკვდილის სცენით დამთავრებული, აქ ყველაფერს ნახავთ, ამიტომ, ბევრს აღარ გავაგრძელებთ და პირდაპირ ვიდეოს გაგიზიარებთ:
