“ტროტუარის ქირურგის” სახელით ცნობილი ხელოვანი Ememem ევროპული ქალაქების ქუჩებში გაბზარულ, დაზიანებულ ტროტუარებს ახალ სიცოცხლეს სძენს. კრამიტისა და ბუნებრივი ქვების გამოყენებით, ქუჩის “ჭრილობები” ცოცხალ მოზაიკებად გარდაიქმნება…
ნაცრისფერი ასფალტის ნამდვილ ხელოვნების ნიმუშებად წარმოდგენას თავად ხელოვანი “თავისუფალ და სპონტანურ ქირურგიულ აქტს უწოდებს, რომელიც არა მხოლოდ ალამაზებს გარემოს, არამედ აღადგენს მათ”.
2016 წლიდან Ememem-მა ასობით ბზარი შეაკეთა ნორვეგიის, შოტლანდიის, გერმანიისა და ესპანეთის ქუჩებში. მისი რამდენიმე ნამუშევარი კი ErbK გალერეაშიც იქნება წარმოდგენილი.
