ავიაკომპანია airBaltic–ს საახალწლოდ ახალი სუპერთანამედროვე თვითმფრინავი დაემატა. სანამ ბრენდის ტრანსპორტი სადღესასწაულოდ მომხმარებელს მოემსახურება, ჯერ მისი კარგად გაცნობაა საჭირო. მეტი ორიგინალურობისთვის, Bombardier CS300–მა საფრენ ბილიკზე საბალეტო პარტია შეასრულა. უჩვეულო, თანაც ერთი შეხედვით წარმოუდგენელი იდეის განსახორციელებლად, airBaltic–მა ცნობილი ქორეოგრაფი ჟან გულიოტი მოიწვია, რომელსაც მთელი მისი კარიერის განმავლობაში ყველაზე მოუქნელ “მოსწავლეთან” მოუწია მუშაობა. ჟანმა პილოტთან ერთად სპეციალური მოძრაობები შეიმუშავა, რომელიც მიახლოებით განასახიერებს ბალეტს.
