Twitter „სთორის“ ფუნქციის ტესტირება დაიწყო. აღნიშნულის შესახებ სოციალური ქსელის ბრაზილიური ოფისის ტვიტიდან ვიგებთ. თუ ფეისბუკის, ან ინსტაგრამის შემთხვევაში ამ ფუნქციას, ანუ 24 საათში გაქრობად პუბლიკაციას Stories-ის სახელით ვიცნობთ, ტვიტერისთვის ეს Fleets-ია.
ამჟამად, სოციალური ქსელი ფუნქციას ბრაზილიელ მომხმარებელზე ტესტავს. აღსანიშნავია, რომ სხვა სოციალური ქსელებისგან განსხვავებით, ტვიტერის „სთორები“ უფრო ტექსტზე იქნება ორიენტირებული, თუმცა, მისი დახმარებით ფოტოების, ვიდეოებისა და გიფების გავრცელებაც იქნება შესაძლებელი. Fleets-ებზე რეაგირება შესაძლებელი იქნება როგორც ემოჯებით, ასევე, პირადი შეტყობინების გაგზავნის ფუნქციითაც. ტვიტერის „სთორები“, ფეისბუკისა და ინსტაგრამის მსგავსად, სიახლეების ზოლის დასაწყისში შეგვხვდება ხოლმე.
Techcrunch-ის ცნობით, Fleets-ის შექმნა მიზნად ისახავს ტვიტერის საჯარო ბუნებასთან დაკავშირებული დისკომფორტის შემცირებას. კერძოდ, Fleets-ის ავტორებს შეეძლებათ 24 საათში გაქრობადი პუბლიკაციის აუდიტორიის განსაზღვრა. აღსანიშნავია, რომ Fleets-ში მომხმარებლებს 2 წუთისა და 20 წამის ხანგრძლივობის ვიდეოების ატვირთვაც შეეძლებათ (512MB) და ასევე, რამდენიმე სიუჟეტის თანმიმდევრულად დამატებაც. ცნობილია, რომ ტვიტერი ფუნქცია Fleets-ის გლობალურად ჩართვას, დაახლოებით, ერთ თვეში გეგმავს.
Alô alô, testando…
Estamos experimentando uma nova forma de você "pensar alto" no Twitter, sem curtidas, Retweets ou comentários públicos. O nome disso é Fleets. Quer saber do melhor? Eles desaparecem depois de 24 horas. pic.twitter.com/TZEG76zjsA— Twitter Brasil em ? (@TwitterBrasil) March 4, 2020
