თუ დამშვიდება და გონების დაწყნარება გიჭირთ, მედიტაცია ეფექტური გამოსავალია. თუ ყოველდღიურად გამოყოფთ დროს მედიტაციისთვის, აღმოაჩენთ, რომ ზოგადად ნაკლებად სტრესული და უფრო ფოკუსირებული ხართ სამსახურში, სკოლაში თუ სხვაგან. მედიტაციის თუნდაც რამდენიმე წუთს შეუძლია დიდი განსხვავება შეიტანოს თქვენს ყოველდღიურობაში.
მედიტაცია არ არის რთული კონცეფცია. მისი მთავარი არსი ყურადღებისა და ცნობიერების მნიშვნელობას უსვამს ხაზს. როდესაც მედიტირებთ, შეგიძლიათ ფოკუსირება მოახდინოთ თქვენს გონებაზე და ყველანაირ გაფანტულობას დააღწიოთ თავი.
მედიტაცია საშუალებას გაძლევთ აიღოთ აუცილებელი პაუზა სამყაროს ხმაურისგან და საკუთარი დაკავებული აზრებისგან. ეს შესვენება დღის განმავლობაში უფრო მშვიდად და ნათელი გონებით გაგრძნობინებთ თავს. კვლევები აჩვენებს, რომ მედიტაციას შეუძლია დაგეხმაროთ სტრესის შემცირებაში, გააუმჯობესოს თქვენი ფოკუსირების უნარი და უფრო მეტად გაცნობიერებული გახდეთ თქვენი აზრებისა და გრძნობების მიმართ. ის ასევე სასარგებლოა თქვენი ზოგადი მენტალური და ემოციური ჯანმრთელობისთვის.
თქვენთვის შესაფერისი მედიტაციის ტიპის პოვნა
არსებობს მედიტაციის სხვადასხვა ტიპი, როგორიცაა სუნთქვაზე ფოკუსირება, საკუთარ აზრებზე ყურადღების გამახვილება, ან თუნდაც სხეულის მოძრაობა. თითოეულ მეთოდს შეუძლია დაგეხმაროთ სიმშვიდისა და სიცხადის პოვნაში.
თუ ფიქრობთ, რომ მედიტაცია თქვენთვის არ არის, შესაძლოა ეს იყოს იმის გამოო, რომ გაქვთ რაიმე წინასწარგანწყობა ამ პრაქტიკის შესახებ და უბრალოდ ჯერ არ გიპოვიათ ის მეთოდი, რომელიც თქვენთვის მუშაობს.
არ არსებობს მედიტაციის ერთი კონკრეტული გზა, რომელიც ყველასთვის მუშაობს. მაშინ როცა მეგობარს შეიძლება წარმატებით შეეძლოს მედიტირება სიჩუმეში ჯდომით, თქვენთვის შეიძლება უკეთესად მუშაობდეს გიდირებული მედიტაციის მოსმენა.
„მედიტაცია“ უბრალოდ ნიშნავს ფოკუსირებას. მედიტაცია არის ერთიანი ტერმინი, როგორც „სპორტი“. არსებობს სხვადასხვა ტიპის სპორტი და ისინი ყველა გეხმარებათ სხვადასხვა კუთხით დაოსტატებაში. ასევე არსებობს მედიტაციის მრავალი სახეობა და ისინი გეხმარებათ ტვინის სხვადასხვაგვარად ვარჯიშში.
თქვენი მიზანია გამოიკვლიოთ მედიტაციის სხვადასხვა ტიპი და იპოვოთ ის, რომელიც უკეთ შეეფერება თქვენს ცხოვრებას და გაძლევთ სიმშვიდის განცდას. ასე რომ, ღრმად ჩაისუნთქეთ და მოემზადეთ მედიტაციის ტიპების შესახებ სასწავლად, თუ როგორ სრულდება ისინი და რა სარგებლის მიღება შეგიძლიათ თქვენთვის შესაფერისის პოვნით.
მაინდფულნეს მედიტაცია
აწმყო მომენტში სრულად ყოფნა გეხმარებათ განავითაროთ მადლიერება ყველაფრის მიმართ, რასაც ცხოვრება გთავაზობთ, მაინდფულნეს მედიტაციას კი შეუძლია ამის მიღწევაში დაგეხმაროთ. ის მოიცავს თქვენი აზრების, გრძნობებისა და შეგრძნებების მიმართ ყურადღების მიქცევას, საყვედურის ან განსჯის გარეშე. ის გეხმარებათ უბრალოდ დააკვირდეთ თქვენი ცხოვრების ამ ასპექტებში არსებულ მოდელებს მათი შეცვლის მცდელობის გარეშე.
ტექნიკები და პრაქტიკა
მაინდფულნეს მედიტაციაში ყველაზე გავრცელებული ტექნიკაა სუნთქვაზე ფოკუსირება. მოხერხებულ პოზაში ჯდომისას ხუჭავთ თვალებს და ყურადღებას აქცევთ როგორ მოძრაობს თქვენი სუნთქვა სხეულში შიგნით და გარეთ. როდესაც თქვენი გონება გაიფანტება, ნაზად აბრუნებთ ფოკუსს თქვენს სუნთქვაზე.
ერთ-ერთი პრაქტიკა არის 1-წუთიანი მეთოდი სტრესის ციკლის შესაწყვეტად და ნერვული სისტემის დასამშვიდებლად. მას ეწოდება S.T.O.P. ტექნიკა. როდესაც შეამჩნევთ, რომ სტრესში ან შეშფოთებული ხართ, S.T.O.P. და გააკეთეთ გაცნობიერებული პაუზა:
Stop (შეჩერდით) – შეწყვიტეთ რასაც აკეთებთ
Take (ჩაისუნთქეთ) – რამდენჯერმე ღრმად ჩაისუნთქეთ
Observe (დააკვირდით) – დააკვირდით თქვენს აზრებს, გრძნობებს, სხეულის შეგრძნებებს
Proceed (გააგრძელეთ) – გააგრძელეთ რაღაცის კეთება, რაც იმ მომენტში გინდათ აკეთოთ
სხვა ტექნიკები მოიცავს სხეულის სკანირების მედიტაციას, სადაც ყურადღებას აქცევთ სხეულის სხვადასხვა ნაწილს და ამჩნევთ ნებისმიერ შეგრძნებას ან გრძნობას.
ასევე შეგიძლიათ აკეთოთ მაინდფულნესი ყოველდღიური აქტივობების დროს, როგორიცაა ჭამა, სიარული, ან თუნდაც საოჯახო საქმეების კეთებისას, სრულად ფოკუსირებით დავალებაზე, ყველა გამფანტველი ფაქტორის მოშორებით და სრული ყურადღების მიქცევით თქვენს გრძნობებსა და ემოციებზე.
სარგებელი და გამოყენება
თუ გაქვთ ქრონიკული სტრესი ან შფოთვა, მაინდფულნეს მედიტაცია შეიძლება ძალიან სასარგებლო იყოს თქვენთვის. ის გეხმარებათ გახდეთ უფრო მეტად ცნობიერი თქვენი აზრებისა და გრძნობების მიმართ, რაც ამცირებს მათში ჩაფლობის ალბათობას.
მაინდფულნეს მედიტაცია ასევე სასარგებლოა თქვენი ფოკუსისა და კონცენტრაციის გასაუმჯობესებლად. სამსახურში, მას შეუძლია გაზარდოს თქვენი პროდუქტიულობა და კრეატიულობა. პირად ცხოვრებაში, მას შეუძლია გააუმჯობესოს თქვენი ურთიერთობები და საერთო კეთილდღეობა.
იმის გამო, რომ ის ადვილი პრაქტიკაა და არ საჭიროებს სპეციალურ აღჭურვილობას, მაინდფულნეს მედიტაცია შესანიშნავია დამწყებთათვის და შეიძლება შესრულდეს თითქმის ყველგან და ნებისმიერ დროს.
სულიერი მედიტაცია
თუ თქვენი სულიერება მნიშვნელოვანია თქვენთვის, სულიერ მედიტაციას შეუძლია დაგეხმაროთ გააღრმაოთ თქვენი კავშირი იმ ძალასთან, რომლისაც გწამთ. მაშინაც კი, თუ არ გაქვთ რელიგიური ან სულიერი რწმენა, მაგრამ ეძებთ ცხოვრებაში უფრო ღრმა აზრსა და მიზანს, შეგიძლიათ იპრაქტიკოთ სულიერი მედიტაცია.
მაშინ როცა მედიტაციის სხვა ფორმები გეხამრებათ ფოკუსირება მოახდინოთ საკუთარ თავზე, სულიერი მედიტაცია სჯობს მაშინ აკეთოთ, თუ გსურთ გაიხედოთ საკუთარი თავის მიღმა და დაუკავშირდეთ რაღაც უფრო დიდს.
ტექნიკები და პრაქტიკა
შეგიძლიათ გამოიყენოთ ლოცვა ან მანტრები მედიტაციისას. ბევრი ადამიანი ირჩევს წყნარ ადგილს ბუნებაში.
იდეა მდგომარეობს იმაში, რომ ფოკუსი გქონდეთ თქვენს სუნთქვაზე ან სულიერ ფრაზაზე და გაუშვათ თქვენი აზრები, რათა იგრძნოთ კავშირი უმაღლეს ძალასთან ან სამყაროსთან. შეგიძლიათ გამოიყენოთ
წყარო: verywellmind
