ავსტრალიის სარეზერვო ბანკმა (RBA) 50 დოლარიანი რომ განაახლა (2018 წელი), ამტკიცებდა, ახალი ბანკნოტი, ვიზუალურად უფრო აღქმადი და რთული გასაყალბებელი იქნებაო. ფული გამორჩეული ნამდვილად გამოვიდა. ოღონდ არა განსაკუთრებული დიზაინის ან დამცავი ტექნოლოგიის, არამედ ორთოგრაფიული შეცდომის გამო.
გამოცემა Reuters წერს, რომ ბანკნოტზე სიტყვას “Responsibility”(პასუხისმგებლობა) ერთი i აკლია და წერია “Responsibilty”. ოფიციალური ინფორმაციით, მიმოქცევაში, 46 მილიონის ღირებულების ასეთი 50 დოლარიანები გამოვიდა.
როგორც RBA-ს წარმომადგენელმა განაცხადა, შეცდომას მომდევნო პარტიის ბეჭდვისას გაასწორებენ. რაც შეეხება ახლანდელ ბანკნოტებს, არასწორად დაწერილი სიტყვა „მათ ვალიდურობაზე გავლენას არ მოახდენს”.
