Uber Eats-ის Super Bowl 58-ის კამპანიაში მთავარ როლს დევიდ და ვიქტორია ბექჰემები ასრულებენ, თუმცა ბრენდის თიზერის მიხედვით, ამისთვის დიდად მომზადებულები არ ჩანან… კამპანიაზე Special Group-მა იმუშავა და ისინი ჯერ კიდევ ოქტობერში გამოსულ ბექჰემის დოკუმენტურ ფილმს გვახსენებენ. თიზერში სწორედ ის სცენაა ნაჩვენები, რომელიც ვირუსული გახდა — როცა დევიდი ვიქტორიას მოუწოდებდა გულწრფელი ყოფილიყო მას შემდეგ, რაც ვიქტორიამ განაცხადა, რომ მუშათა კლასიდან იყო…
ამჯერად ვიქტორია კვლავ ტახტზე ზის და უჭირს დეტალების გახსენება Super Bowl-ის რეკლამისთვის. იგი კამერასთან კვლავ საუბრობს და დევიდიც კვლავ მოუწოდებს, გულწრფელი იყოს… ვიდეოს ბოლოს კი შემდეგ წარწერას წაიკითხავთ — Whatever you forget this Sunday, remember Uber Eats.
