როგორც ჩანს ბოლო პერიოდში უცხოლანეტელებთან დაკავშირებული თეორიები განსაკუთრებით გააქტიურდა. ჯერ იყო და ვარაუდი წამოიჭრა, რომ უცხო ცივილიზაციებს ჭიის ხვრელების სატრანსპორტო ქსელი აქვთ შექმნილი. ამას მოჰყვა NASA-ს პროექტი, რომელიც მეცნიერების აზრით, „მტრულ“ უცხოპლანეტელებს მოიზიდავს…
ახლა კი უცხოპლანეტელების არსებობაში ერთ-ერთმა ყველაზე მეტად დარწმუნებულმა მეცნიერმა და ჰარვარდის ასტრონომმა, ავი ლოებმა, ვარსკვლავთშორისი ობიექტის შესწავლა გადაწყვიტა, რომელიც გასულ ათწლეულში პაპუა-ახალი გვინეის ნაპირას ჩამოვარდა.
ვარსკვლავთშორისი ობიექტის ჩანაწერები მან და თეორიული ასტროფიზიკის სპეციალისტმა ამირ სირაჯმა აღმოაჩინეს. წლების შემდეგ კი აშშ-ის მთავრობამ დაადასტურა, რომ ის დედამიწაზე ნამდვილად არ იყო შექმნილი… „ფუნდამენტური შეკითხვა იმაში მდგომარეობს, შეძლებს თუ არა ვარსკვლავთშორისი მეტეორი მიგვანიშნოს, რომ შემადგენლობა ყოველგვარი ორაზროვნების გარეშე ხელოვნურია წარმოშობით?“ — განმარტავს ავი ლოები.
ობიექტს CNEOS-2014-01-08 უწოდეს, რაც მის წყნარ ოკეანეში ჩამოვარდნის თარიღს შეესაბამება. შესაძლოა, იგი ახალ პარადიგმას წარმოადგენდეს, რომელშიც „დედამიწა მასიური ვარსკვლავთშორისი ობიექტებისათვის თევზსაჭერი ბადის როლს ასრულებს“.
