უეფას ქალთა ჩემპიონთა ლიგის რებრენდინგი დასრულდა. 2021-22 სეზონიდან ტურნირი მაყურებლის წინაშე ახალი ბრენდიდენტობით წარდგება. გათამაშებას ახალი ლოგო ექნება. გარდა ამისა, შეიქმნა სპეციალური ჰიმნი, რომელიც ყოველი თამაშის წინ გაჟღერდება.
უეფას სტრატეგიის მიხედვით, ქალთა ჩემპიონთა ლიგამ მომდევნო სეზონში მაყურებელთა რეკორდული რაოდენობა უნდა მოიზიდოს, რაც შეეხება წლევანდელ სეზონს, კოვიდ-პანდემიისა და ცარიელი სტადიონების მიუხედავად, ტურნირს ტელევიზიითა და ინტერნეტსტრიმინგით ყველაზე მეტმა ადამიანმა უყურა (აღნიშნული ტურნირის ისტორიაში). საბოლოოდ, ფინალურ შეხვედრაში „ბარსელონის“ ქალთა გუნდმა „ლონდონის“ ჩელსის ქალთა გუნდი დაამარცხა.
ტურნირის ლოგო მამაკაცთა გათამაშების ლოგოტიპის გარკვეულ დეტალებს იმეორებს, ჰიმნი კი შემდეგი შინაარსისაა:
All unite
Das große Spiel (the biggest game)
The time is now
C’est maintenant (it’s now)
They stand
With pride
? Former team-mates
? Rivals in the #UWCLfinal
? Forever friendsDrop a ? for this legendary duo @CarolineGrahamH & @PernilleMHarder! #UWCL pic.twitter.com/zWwJ271L7W
— UEFA Women’s Champions League (@UWCL) May 21, 2021
„ბრენდის ახალი იდენტობა აღნიშნულ ტურნირს ახალ სიმაღლეებზე აიყვანს, დიდი მოლოდინებისა და გამოწვევების წინაშე ვართ, ტურნირი იზრდება და მეტ ინტერესს იწვევს, აღნიშნული გათამაშება ასეთ საოცარ რებრენდინგს ნამდვილად იმსახურებდა“, – განაცხადა უეფას მარკეტინგის დირექტორმა, ლორენ ეფშტაინმა.
შეგახსენებეთ, რომ აწ უკვე დასრულებულ გათამაშებაში ქართული გუნდიც მონაწილეობდა, ლანჩხუთის „გურიის“ გოგონათა გუნდმა პირველად ქართული ქალთა ფეხბურთის ისტორიაში, ჩემპიონთა ლიგაზე იასპარეზა და გათამაშებას შვედურ „როზენგორთან“ გამოეთიშა.
