14
მარ
2018

საქართველოს უნივერსიტეტი ფოტოკონკურსს აცხადებს 

14 მარ 2018

საქართველოს უნივერსიტეტი, მთელი ქვეყნის მასშტაბით, აბიტურიენტებისთვის ფოტოკონკურსს აცხადებს. ორგანიზატორების თქმით, „ფოტომთხრობელი“ ახალგაზრდებს უფასოდ სწავლის შანსს აძლევს. „ფოტომთხრობელის“ მთავარი მოთხოვნაა, მონაწილე იყოს აბიტურიენტი, (მე-12 კლასელი) საკონკურსო ფოტოების გადაღება კი შესაძლებელია ნებისმიერი კამერით, მათ შორის,„სმარტფონით“.

„I ადგილზე გასული მონაწილე 1000 ლართან ერთად, 1 წლიან, 100%-იან სასწავლო გრანტს მიიღებს საქართველოს უნივერსიტეტის ჟურნალისტიკის პროგრამაზე სწავლისთვის. II ადგილზე გასულ აბიტურიენტს გადაეცემა 700 ლარი და 1 წლიანი 70%-იან სასწავლო გრანტი ჩვენს უნივერსიტეტში ჟურნალისტიკის პროგრამაზე სწავლისთვის. III ადგილზე გასული მონაწილე კი 500 ლარსა და 1 წლიან 50%-იან სასწავლო გრანტს მიიღებს“.

გარდა ამისა, ყველაზე მეტი Facebook LIKE-ის ფოტო რეპორტაჟის ავტორს 500 ლარი გადაეცემა. კონკურსის ფარგლებში, ყველა მონაწილეს ექნება შესაძლებლობა, უფასოდ დაესწროს ცნობილი ფოტოგრაფების მასტერკლასს.

გამარჯვებულებს პროფესიონალი ფოტოგრაფებისგან შემდგარი, კვალიფიციური ჟიური – გურამ წიბახაშვილი, იური მეჩითოვი და ვახტანგ კუნცევ – გაბაშვილი – გამოავლენს. საუკეთესო ნამუშევრების გამოფენა GALLERY CONTAINER-ში მოეწყობა.

[R]

განხილვა