Ukraine Now უკრაინის მასშტაბური კამპანიაა, რომელიც ქვეყნის პოპულარიზაციისთვის შეიქმნა. მიუხედავად ასეთი მნიშვნელოვანი მიზნისა, საზოგადოების დამოკიდებულება სიახლის მიმართ საკმაოდ ორაზროვანი აღმოჩნდა. აქტივობის განხორციელებაში 27 პროფესიონალმა მარკეტერმა მიიღო მონაწილეობა და შეიქმნა კამპანია, რომელმაც ქვეყნის მიმართ ინტერესი უნდა გაზარდოს, სხვადასხვა ინვესტორები მოიზიდოს, რაც მთავარია, ტურიზმის მაჩვენებელიც საგრძნობლად უნდა გააუმჯობესოს. რაც შეეხება საზოგადოების უკმაყოფილებას, მიზეზი კამპანიის ბრენდინგი აღმოჩნდა, რომელიც PornHub-ის ვიზუალს მიამსგავსეს.
