in

უნდა დაძლიონ თუ არა რეკლამის განმთავსებლებმა ვალდებულების შიში?

ამჟამინდელი მარკეტინგული გეგმით საკითხების სერიოზულად მიღების მუდმივად გეშინიათ? ნაწილობრივ გინდათ კონკრეტული კამპანიის წარმართვა, ნაწილობრივ კი გაქცევა გსურთ? გაინტერესებთ განსხვავებული სტრატეგია უკეთესი ხომ არ იქნებოდა?

თუ ამ კითხვებიდან რომელიმეს მაინც უპასუხეთ დიახ, გამოდის, ვალდებულების აღების შიში გაქვთ, რაც, შესაძლოა, თქვენი მარკეტინგის ეფექტურობას უთხრიდეს ძირს. კვლევის თანახმად, ზოგადად, ინვესტიციის ანაზღაურება უფრო მაღალია, როდესაც რეკლამის განმთავსებლები ვალდებულნი არიან ბევრი მედია არხი გამოიყენონ. 

მაგრამ აქაც არის პრობლემა — ანალოგიური მონაცემთა წყარო აჩვენებს, რომ რეკლამირება სარისკოა. ვალდებულების მსგავსად, აქ ბევრ სხვა ფაქტორს აქვს მნიშვნელობა. მისი დარღვევის შანსიც არსებობს, ამიტომ სიფრთხილე აუცილებელია.

როგორ უნდა მოიქცნენ რეკლამის განმთავსებლები? რა თქმა უნდა, ეს კვლევას, ტესტირებასა და ექსპერიმენტებს ეხება, მაგრამ ასევე სურვილს, მიატოვოთ სამუშაოს არასწორი ტიპები. რაც შეეხება მარკეტინგულ იდეებს, მოედანზე თამაში ნამდვილად ღირს. 

ქვემოთ მოცემული დიაგრამა მარტივი მაგალითია, რომელიც ყოველდღიური კამპანიების შედეგების ეფექტურობის შესახებ ახალ მონაცემთა ბაზას ეფუძნება. ის, რომ დიაგრამაზე ამაღლებული მომრგვალებული ფორმაა, გასაკვირი არც უნდა იყოს. ფაქტობრივად, ეს ორ რამეს ადასტურებს, რისიც მარკეტერებს სწამთ და რაზეც ისინი საუბრობენ. 

დიაგრამის მარცხენა ნაწილში დანახარჯი დაბალია, ხოლო რაც უფრო მეტს ხარჯავთ, მოგებაც უფრო მეტი ხდება. ეს ადასტურებს იდეას, რომ თქვენ უნდა დახარჯოთ საკმარისი, რათა ყურადღება მიიპყროთ, გაიმეოროთ თქვენი მესიჯი იმდენჯერ, რომ დაამახსოვრდეთ და ამაზე საუბარიც კი დაიწყონ. 

ხოლო მარჯვნივ ხარჯები მაღალია და ანაზღაურება მცირდება, როცა თქვენ მეტს ხარჯავთ. ეს ადასტურებს იდეას — თუ ძალიან ბევრს ხარჯავთ, ესაუბრებით უკვე შეძენილ მომხმარებლებს ან იმ ადამიანებს, რომლებიც არასდროს იყიდიან თქვენს პროდუქტს, შემოსავალი შემცირდება. 

ზემოთ მოცემულ დიაგრამაზე კი ARC-ს მონაცემების კიდევ ერთი შეჯამებაა ნაჩვენები. როგორც ხედავთ, ყველაზე მაღალ შემოსავალს მაშინ იღებენ, როცა რეკლამის განმთავსებლები 7-8 არხს იყენებენ. დღეს ადამიანებს შეუძლიათ, მიუხედავად ნიშისა, ზუსტად ის გასართობი იპოვონ, რაც მათ მოსწონთ. ხოლო მედია განთავსება ისე, რომ კონკრეტულ სამიზნე აუდიტორიას მიაღწიონ, სულ უფრო იშვიათი ხდება.

დიახ, 7 ან 8 მედია არხის გამოყენება მნიშვნელოვანი მცდელობაა. ეს როგორც online, ისე offline არხების გამოყენებას გულისხმობს. შემოქმედებითი მუშაობა კი სხვადასხვა ფორმატით უნდა იყოს გადმოცემული, დედლაინების ჟონგლირება უნდა მოხდეს, ამასთან, მონიტორინგისა და გაზომვის სქემები უნდა შემუშავდეს. 

პრობლემა ის არის, რომ დიდი თანხებისა და მნიშვნელოვანი ძალისხმევის გამოყოფა მარკეტერების, საბჭოს, ინვესტორებისა და დამფუძნებლების მუდმივ წუხილს იმის შესახებ, რომ ჩადებულ ინვესტიციებს მიღებული შედეგები ვერ გადაფარავს, არ ესადაგება. 

თუმცა ამ რისკის შემცირების გზებიც არსებობს. მაგალითად, თუ თქვენ ისეთი კამპანია გექნებათ, რომელიც გარკვეულ ჯილდოებს მოიგებს, ყველაფერი ნაკლებად სარისკო გახდება. დიაგრამაზე კი IPA-ს გამარჯვებულების შემთხვევაა განხილული.

ტესტირება და სწავლის მიდგომა არის ის, რაც ტრადიციულ რეკლამის განმთავსებლებს ციფრული მარკეტერების ახალი თაობისგან შეუძლიათ ისწავლონ. ისინი ბევრ ტესტს ატარებენ და შესაბამისად მოქმედებენ. ხოლო, თუ რაღაც არ გამოდის, სწრაფადვე აჩერებენ მას. ეს კი ის მიდგომაა, რომელიც რეკლამის განმთავსებლებს სწორ ნავიგაციასა და საუკეთესო შედეგების მიღებაში დაეხმარება. 

თამამი ბრენდები YouTube-ზე „ცხოვრობენ“

ჭვავის პურის ბრენდი ახალი ვიზუალური იდენტობით — Ryvita