ვაკის საცურაო აუზს ახალი ლოგო აქვს, რომელზეც ასახულია ზუსტად ის პერსპექტივა, რომლითაც საცურაო აუზის სტუმარი შიდა სივრცეს ხედავს.
ბრენდის ახალ იდენტობაზე კრეატიულმა სააგენტო Brandit-მა იმუშავა:
როცა ვაკის აუზზეა საუბარი, ყველას პრესტიჟული მულტიფუნქციური სივრცე გვახსენდება, სადაც შეგვიძლია, დრო სპორტს, ჯანსაღ ცხოვრებასა და გართობას დავუთმოთ. როდესაც მარტში აუზი დაიხურა პანდემიის გამო, მათ გადაწყვიტეს, ეს დრო ცვლილებებისთვის დაეთმოთ. დრო საკმარისზე მეტი იყო, მაგრამ მალევე შევჯერდით კონეფციაზე, რომელსაც საბოლოოდ, ფრთები შევასხით. ნახევარსაუკუნოვანი შენობა ლოგოდ ვაქციეთ და შენობის უნიკალურობა მინიმალიზმით გადავსახეთ ბრენდის იდენტობაში“ – განმარტავენ კრეატიულ სააგენტოში „ბრენდით“.
ვაკის საცურაო აუზს ნახევარსაუკუნოვანი ისტორია აქვს. შენობა 1965 წელს აშენდა და მას შემდეგ, არაერთ მნიშვნელოვან სპორტულ ღონისძიებას უმასპინძლა. 2004 წლიდან, ვაკის საცურაო აუზი თბილისში ყველაზე პოპულარული აუზი და უამრავი ადამიანის თავშეყრის ადგილი გახდა.
