მხატვრების დიდებასა და მათი ნიჭის უკვდავყოფას მუზეუმის კედლებზე დაკიდებული ნახატები უსვამენ ხაზს. თუმცა, ფეხსაცმლის ამერიკულმა ბრენდმა Vans გადაწყვიტა ყველა დროის ერთ-ერთი გამორჩეული ჰოლანდიელი ფერმწერი, ვინსენტ ვან გოგი, თანამედროვე მოდის ნაწილად ექცია და თავისი ახალი კოლექცია მთლიანად მის შემოქმედებას მიუძღვნა. ვან გოგის მუზეუმთან თანამშრომლობით, რომელიც ამსტერდამში მდებარეობს, ბრენდმა მხატვრის ნახატები ფეხსაცმელებს, ტანსაცმელს და აქსესუარებს მოარგო. ვინსენტ ვან გოგით შთაგონებული კოლექცია მომხმარებლისთვის მისაწვდომი 3 აგვისტოდან გახდება.
