გიფიქრიათ, როგორ გრძნობს თავს თქვენი ძაღლი, ან კატა, როცა მას სახლში მარტოს ტოვებთ? სამხრეთ კორეულმა კომპანიამ VARRAM, ამ საკითხზე ბევრი იფიქრა თუ ცოტა იფიქრა, გამოუშვა რობოტი, რომელიც არამხოლოდ თქვენი შინაური ცხოველის გართობაზე, არამედ ვარჯიშზეც ზრუნავს. კომპანიის განცხადებით, ძაღლების 56%, ხოლო კატების 60% ჭარბწონიანობის პრობლემის წინაშეა. პატრონების დატვირთული გრაფიკის გამო, ისინი ცოტას სეირნობენ და ხან, მთელ დღეს სახლში, დივანზე წოლაში ატარებენ. VARRAM Pet Fitness Robot მათ ფიზიკური აქტივობის სასურველი დონის მიღწევაში, გაჯანსაღებასა და გართობაში დაეხმარება.
