26
Aug
2015

„ჰარვარდის“ სტუდენტურ ორგანიზაციასთან თანამშრომლობით, საქართველოში ინგლისურ ენასა და მათემატიკაში ოლიმპიადა ჩატარდება. 

26 Aug 2015

11944730_950447001695733_1996255714_nორგანიზაცია Veritas Olympics, პირველად საქართველოში, „ჰარვარდის“ სტუდენტურ ორგანიზაციასთან ერთად, ატარებს სასკოლო ოლიმპიადას ინგლისურ ენაში და მათემატიკაში, III-დან XI კლასის ჩათვლით.

Veritas Olympics თანამშრომლობს „ჰარვარდის“ მეწარმეთა ორგანიზაციასთან (Harvard College Entrepreneurship Forum), რომელიც ერთ-ერთი ყველაზე დიდი ორგანიზაციაა „ჰარვარდში“. მას აქვს 10 წლიანი ისტორია და ჰყავს ასობით წევრი „ჰარვარდის“ უნივერსიტეტიდან. კლუბმა დიდი წვლილი შეიტანა მრავალი ახალგაზრდა ლიდერის აღმოჩენაში და მათ განვითარებაში.
Veritas Olympics მოსწავლეებს სთავაზობს უნიკალურ შესაძლებლობას, მიიღონ მონაწილეობა ოლიმპიადაში,რომელიც თანაორგანიზებულია „ჰარვარდის“ უნივესიტეტის სტუდენტურ ორგანიზაციასთან ერთად. გამოცდილი გუნდი, უცხოელ პარტნიორებთან ერთად, მაღალი ხარისხის ოლიმპიადის ჩატარებას გეგმავს. მოსწავლეები შეიძენენ გამოცდილებას, მონაწილეობას მიიღებენ პრესტიჟულ, საერთაშორისო დონის ოლიმპიადაში. გამარჯვებულები დაჯილდოვდებიან პრიზებით და სერთიფიკატებით.
Veritas Olympics – არის საგანმანათლებლო სფეროში მოღვაწე კომპანია, რომელიც სასკოლო ოლიმპიადებს ორგანიზებას უწევს საქართველოს მასშტაბით.

განხილვა