ხანგრძლივი სამხედრო სამსახურის შემდეგ, ვეტერანები მილიტარისტულ სფეროს სრულად ეთიშებიან და კვლავ სამოქალაქო საზოგადოების წევრებად ფორმირდებიან, რაც გარკვეულ სირთულეებთანაა დაკავშირებული. აშშ-ის მთავრობა მადლიერებისა და თანადგომის ნიშნად, ვეტერანების გამხნევებას კამპანიით ცდილობს, სახელწოდებით – შენ არ ხარ მარტო.
აშშ-ის ვეტერანების საქმეთა სახელმწიფო დეპარტამენტი მხარდამჭერ ვიდეოს ავრცელებს. სააგენტო Raingold-ის მიერ შექმნილი ვიდეორგოლი, სახელწოდებით, Free Fall – თავისუფალი ვარდნა, ვეტერანებს ახსენებს, რომ ისინი მარტოები არ არიან. შავი ღრუბლების გარემოცვაში, ქაოტური და უკონტროლო თავისუფალი ვარდნა, რომელიც დედამიწის ზედაპირზე დაცემას მოასწავებს, მალევე სრულდება, როცა აანალიზებ, რომ ამ რთული პირობების გამკლავება მარტოს არ გიწევს.
