დღეს, ისეთი პოპულარული აპლიკაციები, როგორიცაა Viber, Pinterest, TikTok, Tinder თუ Spotify iOS-ის მომხმარებელთათვის შეფერხებით მუშაობს. ამის შესახებ Down Detector-ზე და ასევე, Spotify-ს მიერ გამოქვეყნებულ ტვიტში ვკითხულობთ. შეფერხებებს iPhone-სა და iPad-ში ვხვდებით, მაშინ როცა პლატფორმების Android და დესკტოპ ვერსიები ჩვეულებრივ მუშაობს.

მომხმარებელთა ნაწილი აპლიკაციებს შორის კავშირს ეძებს. პირველად ანალიზზე დაყრდნობით, მათი მწყობრიდან გამოსვლა Facebook-ის iOS SDK-ს უკავშირდება. ამის შესახებ Facebook For Developers-ის გვერდზე ვკითხულობთ. უფრო კონკრეტულები რომ ვიყოთ, ჩამოთვლილთაგან ყველა პლატფორმა Facebook-იდან შესვლას გვთავაზობს და ამისთვის საჭირო პროგრამული უზრუნველყოფის ნაკრებში არსებული პრობლემები აპლიკაციების გამოყენების მხრივ სირთულეებს წარმოშობს. ეს პრობლემა აქტუალურია მაშინაც, თუ აპლიკაციებში შესასვლელად (ავტორიზაციისთვის) ფეისბუკს სულაც არ იყენებთ.

Something’s out of tune. We’re currently investigating, and we’ll keep you posted here!

— Spotify Status (@SpotifyStatus) July 10, 2020

Is anyone else having issues opening…any apps on iPhone? pic.twitter.com/JjEkkojVWa

— Rosie Percy (@rosiepercy) July 10, 2020

There's another facebook SDK issue that lead's to our iOS app to crash on launch again along with major apps like Spotify & Pinterest 🔥 @fb_engineering

— Peter Juras (@peterjuras) July 10, 2020

აღსანიშნავია, რომ მსგავსი პრობლემა Spotify-ს ორი თვის წინაც ჰქონდა, იმავე მიზეზით და სავარაუდოდ, პროგრამული შეფერხების აღმოფხვრას ფეისბუკის დეველოპერები მალე შეძლებენ.