შეიქმნა ახალი AI ტექნოლოგია, რომლის მეშვეობითაც სტაჟიორ მედიკოსებს შეუძლიათ, პანდემიის დროს სრულიად მშვიდად და უსაფრთხოდ ისწავლონ, გააუმჯობესონ თავიანთი უნარები.
“ვირტუალურ პაციენტს” შეუძლია შეასრულოს, წარმოადგინოს ცხოვრებისეული სცენარები და მასზე წვდომა შესაძლებელია VR ყურსასმენის, კომპიუტერის ან ტაბლეტის საშუალებით. ეს იმდენად წარმატებული აღმოჩნდა, რომ იგი ჟურნალ TIME– ის 2020 წლის საუკეთესო გამოგონებად დასახელდა.
„პანდემიამ შექმნა მართლაც კონკრეტული გამოწვევები, რომელთა მოგვარებაშიც ტექნოლოგია გვეხმარება“ – ამბობს „ვირტუალური პაციენტის“ შემქმნელი, ექიმი ალექს იანგი.
ორთოპედი და ტრავმის ქირურგის თქმით კი პანდემიის დროს ღარ არის უსაფრთხო და პრაქტიკულად შეუძლებელია, 30 მედიკოსთან და „მსახიობ პაციენტთან“ ერთ ოთახში ყოფნა და მათთვის ცოდნის გაზიარება.
აღნიშნული სესიები ეხმარება ექიმების მომზადებას, თუ როგორ უნდა დასვან დიაგნოზები და დასახონ მკურნალობის გეგმები, შექმნან ნდობა და გაუმკლავდნენ რთულ სიტუაციებს.
“ჩვენი ვირტუალური პაციენტის ტექნოლოგიით, ჩვენ შევქმენით უკიდურესად რეალისტური და განმეორებადი გამოცდილება, რომელსაც შეუძლია რეაგირება მოახდინოს რეალურ დროში. ეს ნიშნავს, რომ სტაჟიორებს და ექიმებს შეუძლიათ, განაგრძონ ღირებული უნარების სწავლა.”
ტექნოლოგია უკვე გამოიყენება ბრისტოლის NHS Foundation Trust- ში, რომლის საშუალებითაც ტრენინგი უსაფრთხოდ გაგრძელდება პირადი სხდომების საჭიროების გარეშე, ვიდრე ამას სოციალური დისტანცია მოითხოვს.
იგი ასევე გამოიყენებოდა პანდემიის პიკის დროსაც, NHS პერსონალის გადამზადებისთვის, ძირითადი უნარების განსავითარებლად, როგორიცაა, როგორ გამოიყენოთ პირველადი დახმარების ნივთები, ურთიერთობა პაციენტებთან და მათ ოჯახებთან.
