Mercedes-Benz-მა ახალი ავტომობილის კონცეპტი წარადგინა. მოდელი, დაახლოებით, 120 წლის წინანდელი Mercedes Simplex-ის მიხედვით შეიქმნა.
https://www.instagram.com/p/B2ZPKpLJcEa/?utm_source=ig_embed
Vision Mercedes Simplex-ის ფოტო „მერსედესის“ მთავარმა დიზაინერმა სოციალურ ქსელში უკვე განათავსა. ავტომობილი მხოლოდ ორისთვისაა, რაც უკვე ნოსტალგიურ განწყობას ქმნის. თუმცა, მხოლოდ ეს დეტალი არა – დიზაინერებმა და კონსტრუქტორებმა ყველაფერი უარყვეს, რასაც 21-ე საუკუნეში მომხმარებელი მანქანისგან ელოდება.
The Vision Mercedes Simplex ნამდვილად რეტრო ავტომობილია და არა ძველებურს მიმსგავსებული, თანამედროვე ტექნოლოგიებით აღჭურვილი მოდელი. არც განსაკუთრებული სიჩქარე, არც კომპიუტერიზებული სისტემები. ის ძალიან უბრალოა – ბორბლები განზე აქვს გაწეული, სალონში დივანის ტიპის სავარძლებია, საჭე კი იატაკზეა დამაგრებული. მოკლედ, ზუსტად იმ Mercedes Simplex-ის მსგავსია, კომპანია 1902-დან 1909 წლამდე რომ აწარმოებდა.
Mercedes-Benz-ის წარმომადგენლებმა მოდელის კონცეპტი, საფრანგეთში, ქალაქ ნიცაში, დიზაინის ახალ ცენტრში წარადგინეს. მასთან დაკავშირებული სხვა დეტალები, ჯერჯერობით, უცნობია.
