სამხრეთ კორეა ერთ-ერთ იმ ქვეყანათაგანია, რომელიც COVID-19-მა მნიშვნელოვნად დააზარალა. ისევე, როგორც ქვეყნების უმეტესობა, სამხრეთ კორეაც ამსუბუქებს პანდემიის პიკისას მიღებულ ზომებს. ჩვენს მსგავსად, იქაც იხსნება კაფეები და მაღაზიები. თუმცა, ჩვენგან განსხვავებით, სამხრეთ კორეაში სხვა პრაქტიკებს მიმართავენ – ბარისტა რობოტებს, რომლებიც კორონავირუსის გავრცელების რისკს ამცირებენ.

რობოტის დაქირავების შემდეგ, კონკრეტული კაფეს – Daejon პერსონალი მხოლოდ ერთ ადამიანს შეადგენს. რობოტს კი 60 სხვადასხვა სახეობის ყავის მომზადება შეუძლია. რობოტის შემქმნელი კომპანია Vision Semicon-ია. მისი გამოყენება კაფეებში მანამდე იგეგმება, სანამ მთავრობა სოციალური დისტანცირების საჭიროების არ არსებობაზე არ დაიწყებს საუბარს.

Reuters-ის ცნობით, ბარისტა რობოხელის მიერ მომზადებული ყავა ბორბლების დახმარებით მოძრავ ბოტებს მიაქვთ მომხმარებელთან. მათი მართვა ხმოვანი ბრძანებებითაცაა შესაძლებელი.