აჭარის ტურიზმის დეპარტამენტმა კამპანია „აირჩიე ბათუმი“დაიწყო. მთავარი მიზანი, როგორც თავად ამბობენ, შიდა ტურიზმის სტიმულირებაა. პროექტისთვის, კრეატიულმა სააგენტო RedPoint-მა 15 რგოლი გადაიღო – სხვადასხვა პროფესიის, ცნობილი ადამიანები აჭარის კურორტებთან დაკავშირებულ ამბებს და ემოციებს იხსენებენ. კამპანიის ერთ-ერთი სახე კომპოზიტორი დავით ევგენიძეა. ვიდეო მისი მონაწილეობით ჯერ არ „გაშვებულა“, „მარკეტერის“ მკითხველს აქვს საშუალება, პირველმა ნახოს ნამუშევარი.
#აირჩიებათუმი „ონლაინ“ კამპანიაა, ვიდეოები სპეციალურად სოციალური მედიისთვის შეიქმნა. 8 რგოლი საზოგადოებამ უკვე იხილა. ერთ-ერთი პერსონაჟი ჯგუფ „ფრანის“ ვოკალისტი, მუსიკოსი გაგა ჩიხლაძეა.
ბათუმთან დაკავშირებულ ემოციებს იხსენებს მსახიობი ია სუხიტაშვილი.
„ბათუმისადმი ჩემი სიყვარული ორგვარია – სუბიექტური და ობიექტური. სუბიექტური არის წიგნი, რომელსაც ვწერ, ეს არის ბათუმის ლიტერატურული ისტორია და ობიექტური ეს არის თავისუფლება, რომელსაც ყოველთვის ვგრძნობ ბათუმში“, – ამბობს მწერალი დავით ტურაშვილი.
კამპანიის საერთო გზავნილია #აირჩიესაქართველო. თითოეული პერსონაჟი კი თავის რჩეულ ადგილზე ყვება. თეატრმცოდნე ნიკა წულუკიძისთვის ასეთი მტირალას ეროვნული პარკია.
კამპანიაში მონაწილეობს მოდელი და ტელეწამყვანი ნუკი კოშკელიშვილი. ამბობს, რომ მისთვის ბათუმი სიყვარულია.
მწვანე კონცხი და ბათუმის ბოტანიკური ბაღი, განსაკუთრებული ადგილია Gardenia-ს დამფუძნებელ, მებაღე ზურაბ შევარდნაძისთვის.
რეჟისორ ლევან წულაძისთვის ქალაქი ბათუმი ცხოვრების მთავარი და დაუვიწყარი მოგონებაა.
„ წელს, ტურისტულ სეზონზე შექმნილი ვითარებიდან გამომდინარე, გადავწყვიტეთ ამ კამპანიის გაკეთება, რადგან ახლა განსაკუთრებით სჭირდებოდა აჭარას შიდა ტურისტების მხარდაჭერა. მოვუწოდებთ ყველას, აირჩიონ საქართველო, აირჩიონ აჭარა “, – ამბობენ აჭარის ტურიზმის ადმინისტრაციაში.
ამ კამპანიის კიდევ ერთი პერსონაჟი მსახიობი რუსკა მაყაშვილია.
#აირჩიებათუმი აგვისტოს ბოლომდე გაგრძელდება. საზოგადოება კიდევ 6 ეპიზოდს იხილავს კომპოზიტორ ნიკოლოზ რაჭველის, ბათუმის დელფინარიუმის პიარ მენეჯერისა და შოუს წამყვანი ბერდია კუტუბიძის, ტელეწამყვან თორნიკე კვერენჩხილაძის, მოდელ თამთა შედანიას, ფოტოხელოვანების გოგა ჩანადირისა და მარი ნაკანის მონაწილეობით.
Credits:
Client: აჭარის ტურიზმის დეპარტამენტი
Agency: RedPoint
Project manager – Ramaz Urushadze
Director – Irakli Kacheishvili
Executive Producer – Natia Kirtskhalia
Producer – Maka Shalikashvili
Dop – Baqar Sharashenidze
Camera – Roma Mskhiladze
Air shooting – Beqa Mskhiladze
Make-up – Meri Nakashidze /Mariam Shvelidze
Cameraman – Giga Kokoladze
CGI – Mamuka Glonti
Color-grading – Alexey Nesterenko
Sound – Irakli Baramidze
Music – Insight, Frani
Translation: Tamar Nikuradze
