გეიმინგს თავისებური რეპუტაცია აქვს. ადამიანები ხშირად ფიქრობენ, რომ მას შეუძლია ახალგაზრდების თავიანთ ოთახებში გამოკეტვა, რომ კომპიუტერული თამაშების გამო, ისინი თითქმის არ გამოდიან დღის სინათლეზე, იკვებებიან არაჯანსაღად და ამ პროცესში აზიანებენ საკუთარ ფსიქიკურ ჯანმრთელობას. ამავდროულად, იზრდება აზრი, რომ გეიმინგს შეუძლია სარგებლის მოტანა. ეს განსაკუთრებით ეხება სპორტული თამაშებისა და ფიზიკური სპორტის გაერთიანებას, რაც თავის მხრივ, რეალურ შესაძლებლობებს ქმნის ბრენდის სპონსორობისა და კომუნიკაციისთვის.
ვიდეოთამაშების ინდუსტრიამ დიდი გზა განვლო Game Boy-ის, Tetris-ისა და Street Fighter 2-ის შემდეგ, მუდმივი ევოლუციით. უზარმაზარი თანხებისა და დეველოპერების სიმრავლის გამო, სწრაფად ცვალებადი ლანდშაფტი ახალი კუთხით უნდა განვიხილოთ. მით უმეტეს, რომ სფეროს გლობალური შემოსავალი 347 მილიარდ დოლარად არის შეფასებული.
ციფრული სპორტი მოთამაშეებს აძლევს უსასრულოდ მდიდარ და იმერსიულ გამოცდილებას, პირდაპირ აკავშირებს მათ მოედანთან, კორტთან, სარბოლო ტრასასთან, ველოდრომთან… ის იმდენად მულტისენსორულია, რომ გამოცდილება გაცილებით მეტია, ვიდრე უბრალო ინტერაქცია ეკრანთან, კონსოლთან და კონტროლერთან. დეველოპერები კარგად არიან მორგებულნი იმაზე, თუ რა სურთ მათ მოთამაშეებს და თამაშების დეტალებისა და კულტურული რელევანტურობის გასაზრდელად აქტიურად მუშაობენ.
წარმოიდგინეთ EA Sports-ის მიერ Ted Lasso-ს ჩართვა FIFA’23-ში და freekickPro-ს რეპლიკაცია თამაშის Practice Arena-ში. მსოფლიო კლასის არენები და ტურნირები შეტანილია მთელ თამაშში: TopSpin 2K25 მოიცავს Laver Cup-ის რეჟიმს, სადაც ევროპის გუნდი უპირისპირდება მსოფლიოს გუნდს.
რეალური სპორტის ტერმინოლოგია, წესები, მექანიკა და ენერგია, რომ არაფერი ვთქვათ გეიმერების რეალურ გმირებზე, VR ვიდეოთამაშებში ყველაფერია, მაღალი გარჩევადობით.
მაინც, როგორ მოქმედებს ეს რეალური ფიზიკური აქტივობის მიმართ ინტერესზე? ის ამოტივირებს და შთააგონებს: ეს „ვირტუალურად რეალური“ სპორტული გამოცდილებები იმდენად ცხოვრებისეულია, რომ მოთამაშეებს შეუძლიათ დაუკავშირდნენ სპორტს ციფრულად ღრმა ემოციურ დონეზე. მედიცინის ეროვნულ ბიბლიოთეკაში ჩატარებულმა ბოლოდროინდელმა კვლევამ დაადგინა, რომ სპორტული ვიდეოთამაშების ისეთი მახასიათებლები, როგორიცაა გართობა და სიმულაცია, ხელს უწყობს დადებით კოგნიტურ ტენდენციებსა და ემოციურ მდგომარეობებს სპორტის მიმართ, ზრდის ინტერესსა და მონაწილეობის სურვილს.
სპორტულ თამაშებში მოთამაშეებს ასევე შეუძლიათ გააუმჯობესონ და დახვეწონ თავიანთი რეალური თამაში: უსასრულო ახალი სცენარები, სხვადასხვა ტაქტიკის გამოცდა, სტრატეგიული ფორმაციების სწავლა და წესების უფრო ღრმა გაგება შესაძლებელი ხდება ალგორითმების წყალობით. თამაშები ხელს უწყობენ პროგრესს, აჯილდოვებენ წარმატების შემთხვევაში და ახალისებენ ქულების დაგროვებას, რაც ასევე ხელს უწყობს ჯანსაღი სურვილისა და შეჯიბრის მზაობის გაღვივებას. უფრო მეტიც, იმისათვის, რომ კარგი იყო თამაშში, შენ უნდა იყო ერთგული. პრაქტიკისა და შეცდომებზე სწავლის ვალდებულება ასახავს ფიზიკური სპორტის ათლეტიზმს.
შემდეგ არის სოციალური ასპექტი. სოციალური იზოლაციის იმიჯის საწინააღმდეგოდ, გუნდური თამაშები მოითხოვს კომუნიკაციისა და ემპათიის მაღალ დონეს, ინტერესების გაზიარებასა და კოლაბორაციული სტრატეგიული გადაწყვეტილებების მიღებას, რაც ხელს უწყობს ახალი კავშირებისა და მეგობრობის ჩამოყალიბებას.
გეიმინგი ინკლუზიისთვის
ყოველივე ამასთან ერთად, მოდის უამრავი კომერციული შესაძლებლობა ბრენდებისთვის, რომლებიც მზად არიან განიხილონ ინდუსტრია უფრო პოზიტიური და უფრო რელევანტური კუთხით. მაგალითად, გეიმინგის გიგანტი EA ლიდერობს თამაშის შიგნით პარტნიორობის კუთხით, როგორიცაა მაღალი ზემოქმედება და დასპონსორებული ღონისძიებები (ბრენდირებული გამოწვევები). ეს მორგებული აქტივაციები წარმოადგენს ბრენდებს გლობალურად 205 მილიონი აქტიური ყოველთვიური მოთამაშის წინაშე.
სპეციალურ ოლიმპიადასთან პარტნიორობით, Microsoft-მა წამოიწყო “Gaming for Inclusion”, ელექტრონული სპორტის მრავალდღიანი ტურნირი, სადაც მოთამაშეები NFL-ის ვარსკვლავებთან და TikTok ინფლუენსერებთან ერთად შეეჯიბრნენ Rocket League-ში Xbox-ზე. დიდი ინტერესი გამოიწვია TopSpin 2k25-ის ხელახალმა გამოშვებამ, რომელიც არანაკლებ 21 მსხვილ ბრენდს მოიცავს – მათ შორის, Wilson, Adidas და Uniqlo.
სპორტის გარდა, ჯანმრთელობასთან დაკავშირებულ კომპანიებს შეუძლიათ გეიმიგ პლატფორმასთან პარტნიორობებით. პროდუქტის გამოშვების აქტივაცია, მერჩანდაიზის კოლაბორაცია და ბრენდირებული კონტენტი – ეს შესაძლებლობას იძლევა, რომ მოხდეს ექსპოზიცია ახალ, მაღალი ჩართულობის მქონე აუდიტორიის ჯგუფებთან, რაც ახალ სიცოცხლეს შთაბერავს თქვენი ბრენდის კულტურასა და საუბარს.
ვირტუალური და ფიზიკური სპორტი შეიძლება ბედნიერად თანაარსებობდნენ, მხარს უჭერდნენ საერთო მიზნებს და ხელს უწყობდნენ პოზიტიურ შედეგებს. გეიმინგის ძველი იმიჯი სწორედ ეს არის: ძველი და დაღლილი. ბრენდები, რომლებიც მიიღებენ პოზიტივს და შესაბამისად პოზიციონირდებიან, გარანტირებულად მოიპოვებენ მომხმარებლებისგან მხარდაჭერას.
წყარო: The Drum
