რადგანაც Warner Bros. Studios 100 წლის იუბილეს უახლოვდება, გადაწყვიტა, თაყვანისმცემლებისთვის შეეხსენებინა, რომ ეს ყველაფერი არ არის და ის კვლავ განაგრძობს სიახლეების დანერგვას.
უფრო კონკრეტულად, ინდუსტრიის გიგანტმა მრავალმხრივი ლოგო გამოაქვეყნა, რომელიც საყვარელი ფილმების, სატელევიზიო შოუებისა და ჰოლივუდის ლეგენდების სპექტაკლების უზარმაზარ პორტფელს მოიცავს. ამაზე კი ბრენდის დიზაინის სააგენტო Chermayeff & Geismar & Haviv-მა იმუშავა.
ლოგო აერთიანებს Warner Bros.-ის განახლებულ ვიზუალს და “100”-ის გამოსახულებას. სწორედ ამ რიცხვში ჩნდება მონაცვლეობით სხვადასხვა პერსონაჟი. ამას ერთვის სლოგანი: “Celebrating Every Story”. მთლიანობაში, სიმბოლო მხიარულად აერთიანებს სტუდიის მრავალფეროვანი ინტელექტუალური საკუთრების ისტორიებს.
